ސަރުކާރުގެ ފަރާތުން ހުށައަޅާފައިވާ އޯޒޯން ފަށަލަ ހިމާޔަތްކުރުމަށް ފިޔަވަޅު އެޅުމާއި ބެހޭ ބިލް މަޖިލީހަށް ހުށަޅާ އެބިލަށް ބަހުސްކުރައްވައިފިއެވެ.މިބިލް މަޖިލީހަށް ބަލައިގަނެ އިތުރަށް ދިރާސާކުރުމަށް ވަނީ 7 މެމްބަރުންގެ ވަގުތީ ކޮމެޓީއަކަށް ފޮނުވާފައެވެ.މިއަދުގެ މަޖިލީހުގެ ޖަލްސާގައި އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ޤާނޫނަށް އިސްލާހު ގެނައުމުގެ ބިލް ބަލައިނުގަނެ އިތުރަށް ދިރާސާކުރުމަށް އަލުން އަނބުރާ ޤައުމީ ސަލާމަތު ކޮމެޓީއަށް ވަނީ ފޮނުއްވާފައެވެ.މީގެ އިތުރުން ޓެކްސް ނެގުމާއި ބެހޭ އިދާރީ ޤާނޫނުގައިވާ ގޮތުގެ މަތިން ޓެކްސް އެޕީލް ޓްރައިބިޔުނަލްއަށް މެމްބަރުން އައްޔަނުކުރެއްވުމަށް ރައީސުލްޖުމްހޫރިއްޔާ ފޮނުއްވާފައިވާ ނަންފުޅުތައް ދިރާސާކުރުމަށް މިނިވަން މުއައްސަސާތަކުގެ ކޮމެޓީއަށްވެސް ވަނީ ފޮނުއްވާފައެވެ.ރައްޔިތުންގެ މަޖިލީހުގެ މާދަމާގެ ޖަލްސާގައި 2016 ވަނަ އަހަރަށް ލަފާކުރާ ދަޢުލަތުގެ ބަޖެޓް ކޮމެޓީން ދިރާސާކޮށް ނިންމެވިގޮތުގެ ރިޕޯޓް ހުށަހަޅާ އެރިޕޯޓަށް ބަހުސްކުރުމަށް ވަނީ އެޖެންޑާކޮށްފައެވެ.