ސިވިލްސަރވިސް ކޮމިޝަންގެ 3 މެންބަރުންގެ
މަޤާމަށް ކުރިމަތިލުމުގެ ފުރުސަތު ރައްޔިތުންގެ މަޖިލީހުން ހުޅުވާލައްވައިފިއެވެ.
ރައްޔިތުންގެ
މަޖިލީހުން ކޮށްފައިވާ އިއްލާނުގައި ބުނެފައިވަނީ ދިވެހިރާއްޖޭގެ ޖުމްހޫރިއްޔާގެ
ޤާނޫނުއަސާސީގެ 181 ވަނަ މާއްދާއާއި،ދިވެހި ސިވިލް ސަރވިސްގެ ޤާނޫނުގެ 10 ވަނަ
މާއްދާގެ (ކ) ގެދަށުން ސިވިލް ސަރވިސް ކޮމިޝަންގެ މެންބަރެއްގެ މަޤާމް ހުސްވުމާ
ގުޅިގެންނާއި، އަދި ޤާނޫނުއަސާސީގެ 181 ވަނަ މާއްދާ އާއި، ދިވެހި ސިވިލް ސަރވިސްގެ
ޤާނޫނުގެ 11 ވަނަ މާއްދާގެ 1 ވަނަ ނަންބަރުގެ ދަށުން ސިވިލް ސަރވިސް ކޮމިޝަންގެ
ދެމެންބަރުންގެ މަޤާމް ހުސްވެފައިވާތީ، އެ ތިން
މެމްބަރުކަމަށް ހުށަހެޅުމުގެ ފުރުޞަތު ހުޅުވާލީކަމަށެވެ.
ސިވިލް ސަރވިސް ކޮމިޝަންގެ މެންބަރެއް ކަމުގެ ޝަރުތުތަކުގެ
ތެރޭގައި ޢުމުރުން 30 އަހަރުވެފައިވުމާއި
ފުރަތަމަ ޑިގްރީ ފެންވަރަށް ތަޢުލީމު ޙާޞިލުކުރުމަށްފަހު، ސަރުކާރު ނުވަތަ
ސަރުކާރު ނޫން ފަރާތެއްގައި ހިންގުމުގެ ދާއިރާގައި މަދުވެގެން 10 އަހަރު
ޚިދުމަތްކޮށްފައިވުން ހިމެނެއެވެ.
ސިވިލް ސަރވިސް ކޮމިޝަނގެ ޤާނޫނު ބުނާ ގޮތުން ސިވިލް
ސަރވިސް ކޮމިޝަންއަށް މެންބަރުން ނުވަތަ މެންބަރެއް އައްޔަންކުރަން ބޭނުންވާ
ކޮންމެ ފަހަރަކު، އެކަމަށް އެދޭ ފަރާތްތައް ހޯދުމަށް ރައްޔިތުންގެ މަޖިލީހުގެ
އިދާރާއިން ޢާއްމުކޮށް އިޢުލާންކޮށް، އެކަމަށް އިޖާބަދޭ މީހުންގެ ނަންތައް
މިނިވަން މުއައްސަސާތަކުގެ ކަންތައްތަކާބެހޭ ކޮމިޓީއިން ދިރާސާކުރައްވައި ކޮމިޓީގެ
ރިޕޯޓް ރައްޔިތުންގެ މަޖިލީހަށް ހުށަހަޅަންޖެހެއެވެ.
އަދި ރައްޔިތުންގެ
މަޖިލީހަށް ހުށަހަޅާ ނަންތަކުގެ ތެރެއިން ރައްޔިތުންގެ މަޖިލީހުގެ ޖަލްސާއެއްގައި
ހާޒިރުވެ ވޯޓުގައި ބައިވެރިވި މެންބަރުންގެ އަޣުލަބިއްޔަތުން ފާސްކުރާ މެންބަރުން
ނުވަތަ މެންބަރެއް ސިވިލް ސާރވިސް ކޮމިޝަންގެ މެންބަރުކަމަށް ރައީސުލްޖުމްހޫރިއްޔާ
ޢައްޔަންކުރަންވާނެއެވެ.
ސިވިލް ސަރވިސް އެކުލެވިގެންވަނީ ތިން މެމްބަރުންގެ
މައްޗަށެވެ. މިވަގުތު ސިވިލް ސަރވިސް ކޮމިޝަންގައި ތިއްބެވީ ފަސް މެމްބަރުންނެވެ.
މިދިޔަ ބުރާސްފަތި ދުވަހުން ފެށިގެން މާދަމާގެ ނިޔަލަަށް
ކޮމިޝަންެގެ މެމްބަރު ކަމަށް ކުރިމަތިލުމުގެ ފުރުޞަތު ވަނީ ހުޅުވާލެވިފައެވެ.