" ތިން
ހަމަ " އަދި " ރުމާލު 2" ކިޔާ 2 މަޖައްލާއެއް ރައީސުލްޖުމުހޫރިއްޔާ މިރޭ ރަސްމީކޮށް ނެރެދެއްވައިފިއެވެ.
މި ދެ މަޖައްލާ އަކީ ސަރުކާރުން
ކުރަމުންދާ ތަރައްޤީގެ މަސައްކަތް ރައްޔިތުންނާއި ހަމައަށް ގެނެސްދިނުމަށް ތިން
މަހުން އެއްމަހު އަދި މަހަކު ދެ ފަހަރު ނެރޭ މަޖައްލާތަކެކެވެ. އެގޮތުން މި ދެ
މަޖައްލާ ނެރުމުގެ މަޤްޞަދަކީ އިންޓަނެޓް ބޭނުންނުކުރާ ފަރާތްތަކަށް ސަރުކާރުން
ރައްޔިތުންގެ ލާބަޔާއި މަންފާއަށް ކުރަމުން ގެންދާ މަސައްކަތުގެ ތެދު މަޢުލޫމާތު
ގެނެސްދީ ރައްޔިތުން ސިޔާސީ ގޮތުން ހޭލުންތެރިކުރުވުން ކަމަށް އެ ދެ މަޖައްލާ ނެރޭ
ފަރާތްތަކުން މަޢުލޫމާތުދެއެވެ.
މަޖައްލާތައް ނެރެދެއްވުމަށްފަހު
ރައީސުލް ޖުމުހޫރިއްޔާ ދެއްކެވި ވާހަކަފުޅުގައި ޒިންމާދާރު ނޫސްވެރިކަން
ކުރެއްވުމުގެ މުހިންމުކަން ފާހަގަކުރެއްވިއެވެ. އެގޮތުން ސަރުކާރުން
ރައްޔިތުންގެ ފައިދާ އަށް ކުރަައްވާ ކަންކަން ގެނެސްދިނުމުގެ މުހިންމުކަމާއި،
މުއައްސަސާތަކުން ރައްޔިތުންނަށް ގެއްލުންވާގޮތަށް ކުރައްވާކަންކަން ލީޑަރޝިޕަށާއި
ރައްޔިތުންނަށް ސާފުކޮށްއަންގައި ދޭންވާނެކަމަށް ވިދާޅުވިއެވެ.
މީގެ އިތުރުން ބައެއް
ފަރާތްތަކުން ލިޔުއްވާ އާޓިކަލްތައް ނުވަތަ ގެނެސްދޭ ޚަބަރުތަކުގައި ވަކި
ފަރާތްތަކަށް ބުރަވެ ދެ ފަރާތް ހަމަކޮށް ގެނެސްދީފައި ނުވާކަން ފާހަގަކުރެވޭކަމަށް
ވިދާޅުވިއެވެ. އެހެން ނަމަވެސް ސަރުކާރާއި ގުޅޭގޮތުން ސޯޝަލް މިޑިއާ އަދި އެހެން
ތަނެއްގައި ފަތުރާ ވާހަކައެއްގައި ސަރުކާރުގެ ބަސް ހޯދައިގެން ހަމަހަމަކޮށް
ޚަބަރުތައް ގެނެސްދިނުމަށް ރައީސް އެދިވަޑައިގެންނެވިއެވެ.
ސަރުކާރުން ކުރައްވާކަންކަން ވެސް
ބައެއް ފަރާތްތަކުން އޮޅުވާލައިގެން ގެނެސްދެއްވާކަން ފާހަގަކުރައްވާ ރައީސް
ވިދާޅުވީ އެކަމުގެ ސަބަބުން އެފަދަ ޚަބަރުތައް ލިޔުއްވާ ފަރާތްތަކާއި ގެނެސްދޭ
ތަންތަނުގެ އިތުބާރު އާއްމުންގެ މެދުގައި ގެއްލިފައިވާ ކަމަށް ރައީސް ވިދާޅުވިއެވެ.
ރާއްޖޭގެ މީޑިއާތަކަށް ބަލާއިރު މީޑިއާތައް ހުރީ
ބާރުގަދަ ނުފޫޒް ގަދަ ފަރާތްތަކުގެ ބާރުގެ ދަށުގައި ކަމަށް ރައީސް ވިދާޅުވިއެވެ.
"އެ
ފަރާތަކުން ވާހަކަ ޓްވިސްޓްކުރަން ބޭނުންވާ ގޮތަކަށް ވާހަކަ ޓްވިސްޓް ކުރި
ނަމަވެސް ކޮންމެ ވެސް ބަޔަކު ހަގީގަތާއި އެއްގޮތަށް ގެންނަން ޖެހޭ،" ރައީސް
ވިދާޅުވިއެވެ.