ސިފައިންގެ ދުވަހުގެ ޝަރަފުގެ ހިނގާލުމުގެ ތެރެއިން - ސިފައިންގެ އާއިލީ ހަވީރެއް ހަފްތާ ބަންދުގައި ބޭއްވުމަށް ވަނީ ނިންމާފައި / ޕީއެސްއެމް ފޮޓޯ: އަލީ ނަސީރު
ސިފައިންގެ 125 ވަނަ އަހަރީ ދުވަހުގެ މުނާސަބަތުގައި ސިފައިންގެ އާއިލީ ހަވީރެއް ހުކުރު އަދި ހޮނިހިރު ދުވަހު ބޭއްވުމަށް އެމްއެންޑީއެފުން ނިންމަވައިފިއެވެ.
މި ހަވީރު އޮންނާނީ، ހުކުރު އަދި ހޮނިހިރުދުވަހުގެ ހަވީރު ހަތަރަކުން އިރުއޮއްސި ހަޔަކަށް ރަސްފަންނުގައެވެ. ސިފައިންގެ އާއިލީ ހަވީރު ހުޅުވުން ކުލަގަދަކޮށް ފާހަގަކުރުމަށް ވަނީ ނިންމަވާފައެވެ. ޢާންމުކޮށް ހުޅުވާލައްވައިގެން ބާއްވާ ސިފައިންގެ އާއިލީ ހަވީރުގައި ފެނިގެން ދާނީ، ރަށްފުށުގެ ދިރިއުޅުމުގެ އެހަރާއި މިހާރުކަމަށް އެމްއެންޑީއެފްގެ އިންފޯމޭޝަން އޮފިސަރ އިބްރާހީމް ޢާޒިމް ވިދާޅުވިއެވެ. އަދި ކުޑަކުދިންނަށް ޚާއްޞަ ކޮށްފައިވާ ތަފާތު ކުޅިވަރުތަކާއެކު ސިފައިންގެ މަސައްކަތްތައް ދައްކުވައިދޭ ގިނަ ސްޓޯލްތަކެއް ޢާއިލީ ހަވީރުގައި ހިމެނޭނެކަމަށް ޢާޒިމް ވިދާޅުވިއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ