މާލޭގެ އިރުދެކުނު ފަރާތުގައި ސަރުކާރުން ޤާއިމުކުރައްވާ އިންޑަސްޓްރިއަލް ވިލެޖްގެ މަސައްކަތް ވަރަށް ބާރަށްކުރިޔަށް ދާކަމަށާ، އެތަނުގެ މަސައްކަތް ކަނޑައެޅިފައިވާ މުއްދަތުގެ ތެރޭގައި ނިންމާލެވޭނެކަމަށް އެމްޓީސީސީން ބުނެފިއެވެ.
މާލޭގެ އިރުމަތީފަރާތުގައި ޤާއިމުކުރަމުންދާ އިންޑަސްޓްރިއަލް ވިލޭޖްއަކީ މާލޭގެ އެކިސަރަހައްދުތަކުގައި މިހާރު ހުރި ގަރާޖް، ވޯކްޝޮޕްފަދަ ތަންތަނާ، އިންޑަސްޓްއަލް މަސައްކަތްތައް އެސަރަހައްދަށް ބަދަލުކުރެއްވުމާއި، ކުނިމެނޭޖްކުރުމުގެ އިންތިޒާމް ހަމަޖެއްސެވުމުގެ އިތުރުން، ބަރުވެހިކަލްތައް ބެހެއްޓެވުމަށް ސަރުކާރުން ތަރައްޤީކުރައްވަން ނިންމަވާފައިވާ ސަރަހައްދެކެވެ. މިތަނުގެ މަސައްކަތްތައް ކުރުމަށް ސަރުކާރުން ކޮންޓްރެކްޓް ހަވާލުކުރައްވާފައިވަނީ އެމްޓީސީސީއާއެވެ. އެކުންފުނިން ބުނީ ކޮންޓްރެކްޓްގައި ވާގޮތުން އިންޑަސްޓްރިއަލް ވިލެޖްގެ ބިން ހިއްކުމާ، އަދި އެތަނުގައި ޤާއިމުކުރަންޖެހޭ ޚިދުމަތްތައް ޤާއިމުކުރުމަށް މިހާރު ބާކީ އޮތީ ހަތަރުމަހެއްހާ ދުވަހުގެ ތެރޭގައި އެތަނުގެ ހުރިހާ މަސައްކަތެއް ނިންމާ ސަރުކާރާ ހަވާލުކުރެވޭވާރު ވާނެކަމަށެވެ. އަދި އިންޑަސްޓްރިއަލް ވިލެޖްޤާއިމުކުރުމަށް ހަތަރެއް ޕޮއިންޓް ފަހެއް ހެކްޓަރުގެ ބިންހިއްކާ،ރަށަކުން ލިބޭފަދަ ޚިދުމަތްތަކެއް ޤާއިމުކުރެވޭނެކަމަށް އެމްޓީސީސީން މަޢުލޫމާތުދެއެވެ.
މާލެގެ އިރުދެކުނު ފަރާތުގައި ޤާއިމުކުރާ އިންޑަސްޓްރިއަލް ވިލެޖްގެ މަސައްކަތަށް ސަތޭކަ ފަސްދޮޅަށް މިލިޔަނަށްވުރެ ގިނަރުފިޔާ ޚަރަދުވާކަމަށް އެމްޓީސީސީން މަޢުލޫމާތުދެއެވެ.