ސައުދީ އަރަބިއްޔާގެ ޤާނޫނު ހަދާ އެންމެ މަތީ
މަޖިލިސް ކަމަށްވާ، ޝޫރާ ކައުންސިލްގެ ރައީސް ރައްޔިތުންގެ މަޖިލީހުގެ
ރައީސްގެ ދައުވަތަކަށް މިއަދު ރާއްޖެ ވަޑައިގެންފިއެވެ.
ސައުދިއަރަބިއްޔާގެ ޝޫރާ ކައުންސިލްގެ ރައީސް
ޑރ. ޢަބްދުﷲ ބިން މުޙައްމަދު ބިން އިބްރާހިމް ބިން އާލް-ޝެއިޚް، ރާއްޖެ
ވަޑައިގަތުމުން، އިބްރާހިމް ނާސިރު އިންޓަރނޭޝަނަލް އެއަރޕޯޓުން މަރުޙަބާ ވިދާޅުވީ
ރައްޔިތުންގެ މަޖިލީހުގެ ރައީސް ޢަބްދުﷲ މަސީޙް މުޙައްމަދާއި، ރައްޔިތުންގެ މަޖިލީހުގެ މެޖޯރިޓީ
ލީޑަރާއި، ޕާޓީތަކުގެ
ޕާލިމެންޓަރީ ގްރޫޕް ލީޑަރުން، އަދި ޑެޕިއުޓީ ލީޑަރުންނެވެ.
މީގެ އިތުރުންވެސް
މަޖިލީހުގެ ކޮމިޓީތަކުގެ މުޤަރައްރިރުންނާއި ބައެއް މެންބަރުން ވެސް ބައިވެރިވެވަޑައިގެންނެވިއެވެ.
އެމަނިކުފާނުގެ މި
ދަތުރުފުޅުގައި ރައީސުލްޖުމްހޫރިއްޔާ ޢަބްދުﷲ ޔާމިން ޢަބްދުލްޤައްޔޫމާއި، ބައެއް ވަޒީރުންނާއިވެސް ބައްދަލުކުރެއްވުމަށް
ވަނީ ހަމަޖެހިފައެވެ.