ބަންގްލަދޭޝްގެ އެއަރލައިނެއް ކަމަށްވާ "ޔޫއެސް ބަންގްލާ"ގެ ދަތުރުތައް ރާއްޖެއަށް ފަށައިފިއެވެ. މިއީ ބަންގްލަދޭޝްގެ އަމިއްލަ އެއަރލައިނެކެވެ.
"ޔޫއެސް ބަންގްލާ"ގެ ދަތުރުތައް ރާއްޖެއަށް ފަށާފައިވަނީ މިމަހުގެ 19 ވަނަ ދުވަހުއެވެ. މި އެއަރލައިން ދަތުރުކުރާނީ ބަންގްލަދޭޝްގެ ޑާކާއިން ރާއްޖެއަށެވެ.
"ޔޫއެސް ބަންގްލާ" އިން ރާއްޖެއަށް ހަފްތާގެ 3 ދުވަހު ދަތުރުކުރުމަށް ވަނީ ހަމަޖެހިފައެވެ. އެ އެއަރލައިނުން ރާއްޖެއަށް ދަތުރުފެށުމަށް ނިންމީ ބަންގްލަދޭޝްގެ ފަތުރުވެރިން ރާއްޖެ އަންނަން ބޭނުންވާތީކަމަށް ވަނީ ބުނެފައެވެ. އެހެންކަމުން ދަތުރުފެށުމުގެ ސަބަބުން ބަންގްލަދޭޝްގެ ފަތުރުވެރިންނަށް ހެޔޮއަގުގައި ފަސޭހަކަމާއިއެކު ރާއްޖެ އައުމުގެ ފުރުސަތު ފަހިވެގެންދާނެކަމަށް އެ އެއަރލައިނުން ވަނީ ބުނެފައެވެ.
Warm greetings to @usbanglaair on the commencement of schedule operations to the #Maldives today. ?? ✈️ ??
— VelanaAirport (@VelanaAirport) November 19, 2021
? ☀️ ? #VisitMaldives pic.twitter.com/eN542lE20p
މި ދަތުރުތަކުގެ ސަބަބުން ބަންގްލަދޭޝްގައި ދިރިއުޅޭ ދިވެހިންނަށްވެސް ފަސޭހަވެގެންދާނެއެވެ. ރާއްޖެއަކީ ބަންގްލަދޭޝްގެ ގިނަ އަދަދެއްގެ މަސައްކަތްތެރިންވެސް ދިރިއުޅޭ ގައުމެކެވެ. އެހެންކަމުން މި ދަތުރުތަކުގެ ސަބަބުން އެމީހުންނަށްވެސް ފަސޭހަވެގެންދާނެއެވެ.
ޔޫއެސް ބަންގްލާގެ މިދަތުރުތަކުގައި ބޭނުންކުރާނީ 189 މީހުންގެ ޖާގައިގެ ބޯޓުތަކެވެ. އެއީ ބޮއިންގ 800-737 މަރުކާގެ ބޯޓުތަކެވެ. "ޔޫއެސް ބަންގްލާ" އެއަރލައިނުން މިހާރުވެސް އަންނަނީ ދުނިޔޭގެ ގިނަ މަންޒިލްތަކަށް ދަތުރުކުރަމުންނެވެ. އޭގެތެރޭގައި ދުބާއީ، މަސްކަޓް، ދޯހާ ފަދަ މަންޒިލްތައް ހިމެނެއެވެ.