ބ.އަތޮޅު ހޮސްޕިޓަލުގައި ޤާއިމްކޮށްފައި ހުންނަ ކޯވިޑް ފެސިލިޓީގައި ފަރުވާދެމުންދިޔަ މީހަކު ނިޔާވެއްޖެއެވެ.
އެހޮސްޕިޓަލުން ބުނީ މިއަދު ހެނދުނު 4:40 ގައި ނިޔާވެފައިވަނީ އުމުރުން 87 އަހަރުގެ ދިވެހި ފިރިހެނެއްކަމަށެވެ. މިއީ އޭދަފުށީ ފެސިލިޓީގައި ފަރުވާދެމުން ދަނިކޮށް މަރުވި ފުރަތަމަ މީހާއެވެ.
މީގެ ކުރިންވެސް ބ.އަތޮޅުން ތިން މީހަކުވަނީ މި ބައްޔަށް ޕޮޒިޓިވްވެގެން ނިޔާވެފައެވެ. އެ 3 މީހުން ކޯވިޑް މަރެއްގެ ގޮތުގައި ކަނޑައަޅާފައިވަނީ ނިޔާވުމާއި ގުޅިގެން ހެދި ސާމްޕަލް ޓެސްޓު ޕޮޒިޓިވްވުމުންނެވެ.
މިބަލީގައި މިހާތަނަށް ރާއްޖެއިން 162 މީހަކު ވަނީ ދުނިޔެ ދޫކޮށްފައެވެ. އޭގެ ތެރޭގައި ހިމެނެނީ 146 ދިވެހިންނާއި 16 ބިދޭސީންނެނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ