ކުރީގެ ނައިބް ރައީސް އަޙްމަދު އަދީބް ދިރިއުޅުއްވާ ގެއިން ފިސްތޯލެއް ފެނުނުކަމަށް ބުނާ މައްސަލަގައި ވަރަށް އަވަހަށް ގޮތެއް ނިންމާނެކަމަށް ޕްރޮސެކިއުޓަރ ޖެނެރަލްގެ އޮފީހުން ހާމަކުރަައްވައިފިއެވެ.ޕީޖީ އޮފީހުގެ އޮފިޝަލެއް ވިދާޅުވީ އަދީބް ދިރިއުޅުއްވާ ގެއިން ފިސްތޯލެއް ފެނުނުނަކަމަށް ބުނާ މައްސަލަ މިއަދު އެއޮފީހުން ބަލައިގެންފައިވާކަމަށެވެ. އަދި އެ މައްސަލަ ދިރާސާ ކުރައްވަމުން ގެންދަވާކަމަށްވެސް އޭނާ ވިދާޅުވިއެވެ.އަދީބް ދިރިއުޅުއްވާ ގެއިން ފިސްތޯލެއް ފެނުނުކަމަށް ބުނާ މައްސަލާގެ އިތުރުން ފުލުހުންގެ އޮފިސަރުންތަކަކަށް ރިޝްވަތު ދިންކަމަށް ބުނާ މައްސަލައެއްގެ ތަޙްޤީގް ނިންމާ ދައުވާކޮށްދިނުމަށް އެދި ޕީޖީގެ އޮފީހަށް ފޮނުވާފައިވާކަމަށްވެސް ފުލުހުން ބުނެފައިވެއެވެ. އެހެންމަވެސް އެ މައްސަލައާއި ގުޅޭ ގޮތުން މިހާތަނަށް ޕީޖީ އޮފީހުން އެއްވެސް މަޢުލޫމާތެއް ހާމަކޮށްފައެއްނުވެއެވެ.ރިޔާސީ ލޯންޗްކޮޅުގައި ބޮމެއް ގޮއްވާލައިގެން ރައީސް ޔާމީން އަވަހާރަކޮށްލަން އުޅުނު ކަމުގެ ތުހުމަތުގައި ކުރީގެ ނައިބް ރައީސް އަހްމަދު އަދީބް ހައްޔަރުކޮށްފައިވަނީ މިދިޔަ މަހުގެ 24 ވަނަ ދުވަހުއެވެ. އަދީބްގެ ބަންދުގެ މުއްދަތު 2 ފަހަރެއްގެ މަތިން ކޯޓުން އިތުރުކޮށްފައިވާއިރު އޭނާއާއި ގާތްގުޅުންތަކެއް އޮންނަ ބައެއް ފަރާތައްވެސް މި މައްސަލައިގެ ތުހުމަތުގައި ހައްޔަރުކޮށްފައިވެއެވެ.