ރާއްޖޭގެ
ހުރިހާ ސަރަހައްދެއްގައި ކުއްލި ހާލަތު އިޢުލާންކުރުމަށް
ރައީސުލްޖުމްހޫރިއްޔާ އަބްދުﷲ ޔާމިން ނިންމެވުމުން ވެރިކަން ކުރާ ޕީޕީއެމް އިން
އެކަމަށް ތާއީދުކޮށްފިއެވެ.
ޕީޕީއެމް އިން މިއަދު
ނެރެފައިވާ ބަޔާނެއްގައި ބުނެފައިވަނީ ރާއްޖެއަށް މިވަގުތު ކުރިމަތިވެފައިވާ
ހާލަތުން އަރައިގަތުމަށް ސަރުކާރުން ކުރަމުންދާ މަސައްކަތްތަކަށް ޕީޕީއެމްގެ
ފަރާތުން ފުރިހަމައަށް އެހީތެރިވާނެ ކަމުގެ ޔަގީންކަން ދޭ ކަމަށެވެ. އަދި މި
ހާލަތުގައި ރައީސް އަޅުއްވަމުން ގެންދަވާ ފިޔަވަޅުތަކަށްވެސް ޕީޕީއެމް އިން ވަނީ ތާޢީދުކޮށްފައެވެ.
ޕީޕީއެމްގެ ބަޔާނުގައި ވަނީ ގައުމުގެ ކަންކަން
އާންމު ހާލަތަކަށް ގެނައުމަށް ސަރުކާރުން ކުރާ މަސައްކަތްތަކަށް ފުރިހަމައަށް
އެެއްބާރުލުން ދިނުމަށާއި ހަމަޖެހިގެން ތިބުމަށްވެސް ޕީޕީއެމްގެ މެންބަރުންނަށާއި
ދިވެހި ރައްޔިތުންނަށް ގޮވާލާފައެވެ.