މޯލްޑިވްސް ފައިނޭންސް ލީސިންގ ކޮމްޕެނީ، އެމްއެފްއެލްސީން 2 ލޯނު ސްކީމެއް ތަޢާރަފްކޮށްފިއެވެ.
އެމްއެފްއެލްސީގައި ބޭއްވި ރަސްމިއްޔާތެއްގައި މި 2 ލޯނު ސްކީމް ތަޢާރަފްކޮށްދެއްވީ، އެ ކުންފުނީގެ ޑިރެކްޓަރ އާދަމް ސަލީމްއެވެ.
އެމްއެފްއެލްސީން ތަޢާރަފްކޮށްފައިވަނީ "ފަސޭހަ ލޯނު" އަދި "ފަހި ލޯނު" އެވެ. ފަސޭހަ ލޯނުގައި ރަހުނަކާއި ނުލައި 1 ލައްކަ ރުފިޔާއާއި ހަމައަށް ލޯނު ނެގޭނެއެވެ. އަދި 24 ގަޑިއިރުގެ ތެރޭގައި މި ލޯނު ކަސްޓަމަރުންގެ އެކައުންޓަށް ޖަމާކޮށްދޭނެކަމަށް އެ ކުންފުނިން ބުނެއެވެ. ފަހި ލޯނުގައި ރަހުނަކާ ލައިގެން 1 ލައްކަ ރުފިޔާއިން މަތީގެ އަދަދެއްގެ ލޯނު ނެގޭނެއެވެ.
އެމްއެފްއެލްސީން ތަޢާރަފްކޮށްފައިވާ މި ލޯނު މިހާރު ކަސްޓަމަރުންނަށް ނެގޭނެއެވެ. އެގޮތުން ކުންފުނީގެ ވެބްސައިޓުންނާއި އޮފީހަށް ޒިޔާރަތްކޮށްގެންވެސް ލޯނަށް އެޕްލައި ކުރެވޭނެއެވެ.
ފަސޭހަ ލޯނު ނަގާ ކޮންމެ ކަސްޓަމަރަކަށް ސޮލަރަލް އިންޝުއަރެންސް މެދުވެރިކޮށް 1 ލައްކަ ރުފިޔާއާއި ހަމައަށް އެކްސިޑެންޓް ކަވަރ ޕޮލިސީއެއް ލިވބިގެންދާނެކަމަށް އެމްއެފްއެލްސީން ބުނެއެވެ.