މުދާ އުފުލާ ދޯންޏެއް ފަރަށް އަރާ، އޭގެ ކެޕްޓަން ގެއްލިގެން ހޯދަން ފަށައިފިއެވެ.
އެމް.އެން.ޑީ.އެފުން ވިދާޅުވީ، "ޓީ.ޓީ.އެސް ފާން" ނަމަކަށް ކިޔާ ދޯންޏެއް ކ. ކަގި ކައިރިއަށް ފަރަށް އެރިކަމުގެ ރިޕޯޓް މެރިޓައިމް ރެސްކިއު ކޯޑިނޭޝަން ސެންޓަރަށް ލިބިފައިވަނީ މިއަދު ހެނދުނު 08:09 ހާއިރުކަމަށެވެ. މި ޙާދިސާ ހިނގިއިރު ދޯނީގައި ތިބީ 2 ބިދޭސީންނާއި އެއް ދިވެއްސެއްކަމަށާއި، ގެއްލިގެން ހޯދަނީ ދޯނީ ދުއްވަން ހުރި އުމުރުން 37 އަހަރުގެ ދިވެހި ކެޕްޓަން ކަމަށް އެމް.އެން.ޑީ.އެފުން ވިދާޅުވެއެވެ.
އެމް.އެން.ޑީ.އެފުން ވިދާޅުވީ، ގެއްލިގެން ހޯދަމުންދާ ކެޕްޓަންގެ ފޯނާއި ދަބަސް ދޯނީގައި އޮތްކަމުގެ މަޢުލޫމާތު ލިބިފައިވާކަމަށެވެ. އަދި އޭނާ ހޯދުމުގެ މަސައްކަތުގައި އެމް.އެން.ޑީ.އެފްގެ ފާސްޓް އިންޓަރސެޕްޓަރ ކްރާފްޓް "ވެލާނާ" މިހާރު ހަރަކާތްތެރިވަމުންދާކަމަށްވެސް އެމް.އެން.ޑީ.އެފުން މަޢުލޫމާތުދެއްވައެވެ.