ފިރިހެނަކަށް ޖިންސީ ގޯނާކުރަން އުޅުނު ފުލުހެއްގެ މައްސަލަ މޯލްޑިވްސް ޕޮލިސް ސަރވިސްއިން ތަޙްޤީޤުކުރަން ފަށައިފިއެވެ.
ފުލުހުން ވިދާޅުވީ މިމައްސަލަ ފެންމަތިވެފައިވަނީ މިމަހުގެ 8 ވަނަ ދުވަހުގެ ރޭ 42 އަހަރުގެ ދިވެހި ފިރިހެނަކު 18 އަހަރުގެ ދިވެހި ފިރިހެނަކަށް ޖިންސީ ގޯނާ ކުރަން އުޅެ، އެކަމުގެ ތެރެއިން މާރާމާރީއެއް ހިންގި މައްސަލައެއް ފުލުހުންނަށް ހުށަހެޅުމުންކަމަށެވެ. އަދި މި މައްސަލައިގައި ތުޙުމަތު ކުރެވޭ ފަރާތަކީ ފުލުހެއްކަމަށާއި، އެމައްސަލައާ ގުޅިގެން އޭނާ ހައްޔަރުކުރިކަމަށެވެ. ނަމަވެސް އޭނާގެ ބަންދުގެ މުއްދަތު އިތުރުކުރުމަށް ކޯޓަށް ގެންދިއުމުން ކްރިމިނަލް ކޯޓުން އޭނާއަށް ޝަރުތުކޮށް ބަންދުން ދޫކޮށްލާފައިވާކަމަށް ފުލުހުން ވިދާޅުވެއެވެ.
މި މައްސަލައިގައި ޖިނާޢީ ތަޙްޤީޤެއް ކުރަމުންދާއިރު، އޭނާގެ މައްސަލަ ފުލުހުންގެ ޕްރޮފެޝަނަލް ސްޓޭންޑަރސް ކޮމާޑުން ތަޙްޤީޤުކުރަމުންދާކަމަށްވެސް ފުލުހުން ވިދާޅުވެއެވެ. އަދި މިކަމުގައި ތުޙުމަތުކުރެވޭ ފުލުސްމީހާ މިހާރު ހުރީ ސަސްޕެންޑްކޮށްފައި ކަމަށްވެސް ފުލުހުން ވިދާޅުވެއެވެ.