ބީއެމްއްގެ އަހަރީ އާއްމު ޖަލްސާގައި ހިއްސާއަކަށް 24 ރުފިޔާ ބަހަން ހުށަހެޅުމަށް އެކުންފުނީގެ ބޯޑުން ނިންމައިފިއެވެ.
ބީއެމްއެލްގެ ބޯޑު މެންބަރުންގެ ބައްދަލުވުމުގައި ހިއްސާދާރުންނަށް ހިއްސާއަކަށް 24 ރުފިޔާގެ މަގުން ޖުމްލަ 129 މިލިއަން ރުފިޔާ ބެހުމަށް ވަނީ ނިންމާފައެވެ. މިއީ މިދިޔަ އަހަރު ހިއްސާއަކަށް ބެހި އަދަދަށްވުރެ 9 އިންސައްތަ އިތުރު އަދަދެއްކަމަށް ބީއެމްއެލްއިން ބުނެއެވެ. މިދިޔަ އަހަރު އެ ބޭންކުގެ ހިއްސާދާރުންނަށް ހިއްސާގެ ފައިދާގެ ގޮތުގައި ބަހާފައިވަނީ ހިއްސާ އަކަށް 22 ރުފިޔާ އެވެ.
ހިއްސާއަކަށް 24 ރުފިޔާ ބަހަން ބީއެމްއެލްގެ ބޯޑުން ނިންމިނަމަވެސް މިއަދަދު ފާސްކުރާނީ މިއަހަރުގެ ބީއެމްއެލްގެ އަހަރީ އާންމު ޖަލްސާގައި ހިއްސާދާރުންގެ ވޯޓުންނެވެ. ބީއެމްއެލްގެ ފައިނަލް ޑިވިޑެންޑް ހިއްސާދާރުންގެ ލިސްޓުގައި ހިމެނޭ ހުރިހާ މީހުންނަށް ބަހާނެއެވެ.