ކުރީގެ ރައީސް މައުމޫން ޢަބްދުލްޤައްޔޫމާއި އެމަނިކުފާނުގެ ދަރިކަލުން ފާރިސް މައުމޫނާއި، ދަނބިދަރިކަލުން މުޙައްމަދު ނަދީމްގެ މައްޗަށް ކޮށްފައިވާ ޓެރަރިޒަމްގެ ދަޢުވާ ކުރިއަށް ނުގެންދިއުމަށް ނިންމައިފިއެވެ.
އެ ތިން ބޭފުޅުންގެ މއްޗަށް ކޮށްފައިވަނީ ޤާނޫނީގޮތުން އުފެދިފައިވާ ސަރުކާރު، ޤާނޫނާ ޚިލާފަށް ވައްޓާލުމަށްޓަކައި މަސައްކަތްކުރިކަމުގެ ތުހުމަތެވެ. މިމައްސަލާގައި ތިން މީހުންގެ މައްޗަށް އުފުލާފައިވާ ދައުވާ ކުރިއަށް ނުގެންދަން ނިންމައި، ޕްރޮސެކިއުޓަރ ޖެނެރަލްގެ އޮފީހުން އެތިން ބޭފުޅުންނަށް ވަކިވަކިން ފޮނުއްވި ސިޓީގައި ކްރިމިނަލް ކޯޓަށް ހުށަހަޅަފައިވާ ޓެރަރިޒަމްގެ ޢަމަލެއް ކުރަން އުޅުމުގެ ކުށުގެ ދަޢުވާ އިތުރަށް ކުރިއަށް ނުގެންދިއުމަށް ނިންމާފައިވާކަމަށް ވަނީ ވިދާޅުވެފައެވެ. އަދި މައްސަލަ މޯލްޑިވްސް ޕޮލިސް ސާރވިސްއަށް އަނބުރާ ފޮނުވާފައިވާކަމަށްވެސް ޕީޖީން އެބޭފުޅުންނަށް ފޮނުވި ސިޓީގައި ވަނީ ވިދާޅުވެފައެވެ.
ތިން ބޭފުޅުންގެ މައްސަލަ އަބުރާ ނަންގަވާފައިވާއިރު، އެ މައްސަލާގައި އިބްތިތާޢީ އަޑުއެހުންތައްވެސް މިހާތަނަށް ވަނީ ނިންމާލާފައެވެ.