ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި އެމަނިކުފާނުގެ އަނބިކަނބަލުން ފަޒްނާ އަޙްމަދު "ޓީ.އެފް.ޖީން ރަން އިން ލާމު" ގައި ބައިވެރިވެވަޑައިގެންފިއެވެ.
ރައީސްގެ ދެކަނބަލުން ބައިވެރިވެވަޑައިގެންފައިވަނީ، މި މެރެތަންގެ 5 ކިލޯމީޓަރު ދުވުމުގައެވެ. އެމަނިކުފާނުގެ ދެކަނބަލުންގެ އަރިހުގައި ގިނަ އަދަދެއްގެ ދުވުންތެރިންވެސް ބައިވެރިވެވަޑައިގެންނެވިއެވެ. 500އަށްވުރެ ގިނަ ދުވުންތެރިން ބައިވެރިވި މި ރޭހުގައި ރައީސްގެ ޔޫތު މިނިސްޓަރ އަޙްމަދު މަޙުލޫފްވެސް ވަނީ ބައިވެރިވެވަޑައިގެންފައެވެ.
މި މެރަތަން ކުރިއަށް ގެންދިޔައީ ހައްދުންމަތީ ގަން، މާންދޫ، ކައްދޫ އަދި ފޮނަދޫ ގުޅުވައިދޭ ލިންކް ރޯޑްގައެވެ. މިރޭހުގައި ފަސްކިލޯ މީޓަރުގެ އިތުރުން ދިހަ ކިލޯމީޓަރު، ހާފް މެރެތަން އަދި މެރެތަން ހިމެނެއެވެ. މި ރޭހުގައި މިއަހަރުވެސް ބައިނަލްއަޤްވާމީ ބައެއް ދުވުންތެރިންނާއި ރާއްޖޭގެ ތަޖުރިބާކާރު ދުވުންތެރިން ވަނީ ބައިވެރިވެފައެވެ. އަދި ކަސްރަތަށް ދުވާ ޢާންމުންނާއި، ކަސްރަތަށް ލޯބިކުރާ މީހުންގެ އިތުރުން ގިނަ ޢަދަދެއްގެ ކުޑަކުދިންވެސް ބައިވެރިވިކަން ފާހަގަކޮށްލެވެއެވެ.
މި ހަރަކާތަކީ ޓީ.އެފް.ޖީ.ގެ ފަރާތުން އިންތިޒާމްކޮށްގެން ލ.އަތޮޅުގައި ބޭއްވި ދުވުމުގެ ބޮޑު ހަރަކާތެކެވެ. އަންނަ އަހަރުވެސް މި ހަރަކާތް ލާމު އަތޮޅުގައި ބާންވާނެކަމަށް ޓީއެފްޖީން މަޢުލޫމާތުދެއެވެ.