ސަރުކާރު ހިންގާ މައިޕާޓީ އެމްޑީޕީން ރައްޔިތުންގެ މަޖިލީހުގެ އައު ޤަވާއިދެއް ޑްރާފްޓްކޮށްފިއެވެ.
މަޖިލީހުގެ އައު ޤަވާއިދެއް އެޕާޓިން ޑްރާފްޓްކޮށްފައިވަނީ، މަޖިލީހަކީ ނަޒާހަތްތެރިތަނަކަށް ހެދުމަށްކަމަށް އެޕާޓީން ބުނެއެވެ. އެމްޑީޕީން ބުނީ، މިހާރުގެ މަޖިލީހުގެ ޤަވާއިދަށް ބަދަލުތަކެއް ގެންނަންޖެހޭކަމަށް އެޕަޓިން ދެކޭކަމަށެވެ. އެގޮތުން އަލަށް އެކުލަވާލާ ޤަވާއިދުގައި މަޖިލީހަކީ ނަޒާހަތްތެރި އަދި މެންބަރުންގެ ކަންކަން ހާމަކަން ބޮޑުގޮތެއްގައި ރައްޔިތުންނަށް ހާމަވެގެންދާނެ ޤަވާއިދެއްކަމަށް އެޕާޓިން ބުނެއެވެ.
އެމްޑީޕީން ބުނީ، މަޖިލީހުގެ އައު ޤަވާއިދުގެ ޑްރާފްޓް، ކުރިއަށް އޮތް މަޖިލީސް އިންތިޚާބުގައި އެޕާޓީގެ ކެމްޕެއިންގައި ބޭނުންކުރާނެކަމަށެވެ.
މިހާރު ޢަމަލުކުރަމުންދާ މަޖިލީހުގެ ޤަވާޢިދަކީ 2010ވަނަ އަހަރުގެ މާރޗްމަހުގެ ދެވަނަ ދުވަހު ޢަމަލުކުރަން ފަށާފައިވާ ޤަވާއިދެކެވެ. ރައްޔިތުންގެ މަޖިލީހަކީ ރައްޔިތުންގެ އެންމެ ބޮޑެތި ފާޑުކިއުންތައް އަމާޒުވެފައިވާ އެއް މުއައްސަސާއެވެ.