އެގާރަ މީހުންނާއިއެކު ދަތުރު ކުރަމުންދިޔަ ދޯންޏެއް ތ.ގުރައިދޫ ނެރު މައްޗަށް އަރައިފިއެވެ.
ފުލުހުންގެ މީޑިއާ އޮފިޝަލް ވިދާޅުވީ މިއަދު ހެނދުނު 6:00 ހާއިރު ތ.ގުރައިދޫ ނެރު މައްޗަށް ގދ.ތިނަދޫ، ނިޔާމަ ނަމަކަށް ކިޔާ ދޯންޏެއް އަރައިގެން އުޅޭ ކަމުގެ މަޢުލޫމާތު ލިބިފައިވާ ކަމަށެވެ.
އަދި އެ މަޢުލޫމާތު ލިބުމާއިއެކު ބޯޓު ނެރު މައްޗަށް އެރި ސަރަޙައްދުގައި ޙަރަކާތްތެރިވަމުން އަންނަ ކަމަށްވެސް ފުލުހުން ބުންޏެވެ.
ފުލުހުން ބުނީ 3 ދިވެހިންނާއި 8 ބިދޭސީންނާއިއެކު ދަތުރުކުރަމުން ދަނިކޮށް ގުރައިދޫ ނެރު މައްޗަށް އެރި ނިޔާމަ ދޯނި ފުން ކުރުމުގެ މަސައްކަތް ކުރަމުން އަންނަ ކަމަށެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ