އުމްޓިޓީ (ރ) ޤައުމީ ޓީމްގެ ޕްރެކްޓިސްގައި، ބާސާގެ އެއްބަސްވުން ވަނީ އާކޮށްފަ: ފޮޓޯ-އޭޕީ
ބާސެލޯނާގެ ފްރާންސް ޑިފެންޑަރު ސެމިއުލް އުމްޓީޓީ ފަސް އަހަރު ދުވަހަށް ކޮންޓްރެކްޓް އާކޮށްފި އެވެ.
އާ ކޮންޓްރެކްޓާއެކު 24 އަހަރުގެ ޑިފެންޑަރު 2023 ވަނަ އަހަރުގެ ނިޔަލަށް ބާސެލޯނާގައި ދެމިހުންނާނެ އެވެ.
އުމްޓީޓީ އަކީ ފްރާންސްގެ ގައުމީ ޓީމުގެ ވެސް މުހިންމު ކުޅުންތެރިއެކެވެ. އޭނާ ވަނީ އިއްޔެ ރޭ އިޓަލީ އަތުން ފްރާންސް 3-1އިން މޮޅުވި މެޗުގައި ގޯލެއް ވެސް ޖަހާފަ އެވެ.
އޭނާ ވަނީ ބާސެލޯނާ އަށް މިހާތަނަށް 88 މެޗު ކުޅެދީފަ އެވެ. ޖަހާފައިވަނީ ދެ ގޯލެވެ. މި މުއްދަތުގައި އޭނާ ވަނީ ކޮޕާ ޑެލްރޭ ދެ ފަހަރު އަދި ސްޕެނިޝް ލީގު ކާމިޔާބުކޮށްފަ އެވެ.
އުމްޓީޓީ ބާސެލޯނާގެ ކޮންޓްރެކްޓް އާކުރީ އޭނާ ހޯދުމަށް ޔޫރަޕުގެ ބޮޑެތި ކުލަބުތައް ކަމަށްވާ މެންޗެސްޓާ ސިޓީ އާއި ޗެލްސީ ފަދަ ކުލަބުތަކުން މަސައްކަތް ކުރަނިކޮށެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ