45 ރަށެއްގައި ފެނުގެ ނިޒާމު ޤާއިމުކުރުމުގެ ޢަމަލީ މަސައްކަތް ކުރުމަށް ޝައުޤުވެރިވާ ފަރާތްތައް ހޯދުމަށް މިނިސްޓްރީ އޮފް އެންވަޔަރަމަންޓް އެންޑް އެނާރޖީއިން އިޢުލާންކޮށްފިއެވެ.
އެންވަޔަރަންމަންޓް މިނިސްޓްރީން މަޢުލޫމާތުދޭ ގޮތުގައި މިއީ ގްރީން ކްލައިމެޓް ފަންޑު(ޖީ.ސީ.އެފް)އިން ދިވެހި ސަރުކާރަށް ހިލޭ އެހީގެ ގޮތުގައި ލިބިފައިވާ ފައިސާއިން 45 ރަށެއްގައި ފެނުގެ ނިޒާމު ޤާއިމުކުރުމަށް ކުރިޔަށް ގެންދާ މަޝްރޫތަކެކެވެ.
އެންވަޔަރަންމަންޓް މިނިސްޓްރީން އިޢުލާންކޮށްފައިވަނީ ހއ.އަތޮޅުގެ 10 ރެށަކާއި ށ.އަތޮޅުގެ 10 ރަށަކާއި، އއ.އަތޮޅުގެ 5 ރަށަކާއި ދ.އަތޮޅުގެ 3 ރަށުގެ އިތުރުން މ.އަތޮޅުގެ 3 ރަށަކާއި، ތ.އަތޮޅުގެ 6 ރަށަކާއި ގއ.އަތޮޅުގެ 8 ރަށެއްގައި ސާފުފެނުގެ ނިޒަމް ޤައިމްކުރާނެ ބައެއް ހޯދުމަށެވެ.
މިމަސައްކަތުގެ ދަށުން މިއިން ކޮންމެ ރަށެއްގައި ވާރޭފެން ނަގާ ނެޓްވޯރކާއި، ވާރޭފެން ރައްކާކުރާ ތާންގީ، އަލްޓްރާފިލްޓްރޭޝަން ޔުނިޓާއި، ވޯޓަރ ކަލެކްޝަން ޓޭންކާއި ސްޓޯރޭޖް ޓޭންކް ޤާއިމްކުރުމުގެ މަސައްކަތް މިކަމަށް ހޮވޭ ކުންފުނިތަކުން ކުރަންޖެހެއެވެ.
މިމަސައްކަތައް ކުރުމަށް ޝައުޤުވެރިވާ ރާއްޖެއާއި ރާއްޖެއިން ބޭރުގެ ކުންފުނިތަކަށް މިކަމަށް ރަޖިސްޓްރީ ކުރުމުގެ ފުރުޞަތު ވަނީ ހުޅުވާލާފައެވެ.