ވޭސްޓް މެނޭޖްމެންޓް ކޯޕަރޭޝަނުން ދޭ ޙިދުމަތަށް އޮންލައިންކޮށް ފައިސާދެއްކޭނެ އިންތިޒާމް އެކިންފުނިން ހަމަޖައްސައިފިއެވެ.
ވެމްކޯއިން ބުނީ އެ ކޯޕަރޭޝަންގެ ވެބްސައިޓް www.wamco.com.mvގެ "އަވަސްޕޭ" ގެޓުވޭއިން މި ޙިދުމަތް ލިބިގެންދާނެކަމަށެވެ. މި ޙިދުމަތް ދެނީ ބެންކް އޮފް މޯލްޑިވިސްގެ ގޭޓްވޭ މެދުވެރިކޮށެވެ. އަދި ބިލްތަކަށް ފައިސާ ދެއްކި ރަޝީދު އޮންލައިންކޮށް ލިބޭނެކަމަށް ވެސް ވެމްކޯއިން ބުނެއެވެ. އޮންލައިންކޮށް ފައިސާ ދެއްކޭނެ އިންތިޒާމާއި އެކު އިންޑަސްޓްރިއަލް ވިލެޖް ސައިޓުން ބަންދު ނޫން ކޮންމެ ދުވަހަކު ބިލްތަކަށް ފައިސާ ބަލައި ގަތުމުގެ ޙިދުމަތް ދެމުންދާނެކަމަށްވެސް ވެމްކޯއިން ބުނެއެވެ. ކުނިއުކާލުމުގެ ޤަވާއިދެއް އެކުލަވާލާ، އެ ޤަވާއިދާ ޚިލާފަށް ކުނިއުކުން ހުއްޓުވާފައިވަނީ ކުނީގެ ސަބަބުން އިންސާނުންނަށް ލިބޭ ގެއްލުން ކުޑަކޮށް، ހަރުދަނާ ނިޒާމެއްގެ ދަށުން ކުނި މެނޭޖްކުރުމުގެ މަޤްސަދުގައެވެ. މި މަސައްކަތް ކުރަމުން ގެންދަނީ ވޭސްޓް މެނޭޖްމެންޓް ކޯޕަރޭޝަނުން ވެމްކޯއިންނެވެ.