މިލަދުންމަޑުލު ދެކުނުބުރީ މާފަރުގައި ބައިނަލްއަޤްވާމީ އެއަރޕޯޓެއް އަޅުއްވާނެކަން ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް އިޢުލާން ކުރައްވައިފިއެވެ.
އެމަނިކުފާނު މިކަން އިޢުލާން ކުރެއްވީ ރ.މީދޫގައި ޕީޕީއެމްގެ ފަރާތުން ބޭއްވި ޖަލްސާގައި ވާހަކަފުޅު ދައްކަވަމުން. މީދޫގެ ރައްޔިތުންނާއި ބައްދަލުކުރައްވާ ވާހަކަފުޅު ދައްކަވަމުން ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް ވިދާޅުވީ، ނ.މާފަރުގައި ތަރައްްޤީކުރާ ބައިނަލްއަޤްވާމީ އެއަރޕޯޓް ތަރައްޤީކުިރަން ފަށާތާ ހަމަސް ދުވަހުގެ ތެރޭގައި މަސައްކަތް ނިންމާނެކަމަށް. އަދި މި އެއަރޕޯޓްގެ މަޝްރޫޢު އެއްވެސް ހުއްޓުމެއްނެތި ކުރިއަށްދާނެކަމަށްވެސް ރައީސް ވިދާޅުވިއެވެ.
tw:https://twitter.com/PSMnewsmv/status/922876508372328449
ރައީސްގެ ވާހަކަފުޅުގައި އަންނަ މަހުގެ ތެރޭގައި ހދ.ކުޅުދުއްފުށީގައި ތަރައްޤީކުރާ އެއަރޕޯޓްގެ މަސައްކަތާއި، ށ.ފަރުކޮޅު ފުނަދޫގައި ތަރައްޤީކުރާ އެއަރޕޯޓްގެ މަސައްކަތްވެސް ފެށޭނެކަމަށް ވިދާޅުވިއެވެ. މީގެ އިތުރުން ރާއްޖޭގެ ފަތުރުވެރިކަން އެންމެ ބޮޑަށް މިހާރު ތަރައްޤީވަމުން އަންނަ އެއް އަތޮޅަކީ ރ.އަތޮޅުކަން ފާހަގަކުރައްވާ އެ އަތޮޅުގައިވެސް އެއަރޕޯޓް އަޅާނެކަމުގެ އިޝާރާތެއް ރައީސް ވަނީ ކުރައްވާފައެވެ. އެގޮތުން ރ.އަތޮޅަކީވެސް ބައިނަލްއަޤްވާމީ އެއަރޕޯޓެއް ހައްޤު އަތޮޅެއްކަމަށާއި، އެކަމުގެ ޤާބިލްކަން މިސަރުކާރުގައި އެބަހުރިކަމަށްވެސް ރައީސް ވިދާޅުވިއެވެ.
ރައީސް ޔާމީންގެ ވާހަކަފުޅުގައި ސިނާޢީ މިފަދަ މަސައްކަތްތަކުން ޒުވާނުންނަށް އިތުރު ވަޒީފާތަކެއް ތަނަވަސްވަމުން އަންނަކަން ފާހަގަކުރެއްވިއެވެ.