ކުރީގެ ނައިބް ރައީސް އަޙުމަދު އަދީބް(ކ) އެމްއެމްޕީއާރުސީގެ ކުރީގެ އެމްޑީ އަބްދޫﷲ ޒިޔަތު-
ކުރީގެ ނާއިބުރައީސް އަޙްމަދު އަދީބުގެ މައްޗަށް އިތުރު 9 ދަޢުވާއެއް، އަދި އެމް.އެމް.ޕީ.އާރ.ސީގެ ކުރީގެ މެނޭޖިންގ ޑިރެކްޓަރ ޢަބްދުﷲ ޒިޔަތުގެ މައްޗަށް އިތުރު 25 ދަޢުވާއެއް ކުރުމަށް ޕްރޮސިކިއުޓަރ ޖެނެރަލް ނިންމަވައިފިއެވެ.
އަދީބުގެ މައްޗަށް ކުރުމަށް ނިންމާފައިވަނީ މަޤާމުގެ ނުފޫޒު ނާޖާއިޒް ގޮތުގައި ބޭނުންކުރުމުގެ 9 ދައުވާއެކެވެ. އަދި ޢަބްދުﷲ ޒިޔަތުގެ މައްޗަށް ކުރުމަށް ނިންމާފައިވަނީ ޚިޔާނާތުގެ 25 ދައުވާކަމަށް ޕީޖީ އޮފީހުން މައުލޫމާތުދެއެވެ.
މި ދައުވާތަކަކީ އެމް.އެމް.ޕީ.އާރ.ސީގެ ޚިޔާނާތާ ގުޅުންހުރި ދައުވާތަކެކެވެ. އެންޓި ކޮރަޕްޝަންސް ކޮމިޝަނުންވަނީ އެމް.އެން.ޕީ.އާރ.ސީގެ އެއްބިލިއަން ޑޮލަރުގެ ޚިޔާނާތުގެ މައްސަލައިގެ ތަޙްޤީޤް ނިންމައި، ދައުވާކުރުމަށް ޕްރޮސިކިއުޓަރ ޖެނެރަލްގެ އޮފީހަށް ފޮނުވާފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ