ދައުލަތުގެ ބަޖެޓުން އަށްމިލިޔަނަށްވުރެ ގިނަ ރުފިޔާ ޚަރަދުކުރައްވައިގެން 6 ފުޓްސެލް ދަނޑެއް ހެދުމުގެ އެއްބަސްވުންތަކުގައި ސޮއިކޮށްފިއެވެ. 45 ދުވަހުގެ ތެރޭގައި މި މަސައްކަތް ނިންމުމަށް 2 ކުންފުޏަކާ ވަނީ ހަވާލުކޮށްފައެވެ.
ސަރުކާރުގެ ސްޕޯޓްސް އެރީނާ މަސްރޫޢުގެ ދަށުން ފުޓްސެލްދަނޑު ހެދުމަށް ސޮއިކޮށްފައިވަނީ ގއ.ދެއްވަދޫ، ގދ.ނަޑެއްލާ، ލ.ފޮނަދޫ، ތ.ގުރައިދޫގެ އިތުރުން ފުވައްމަލަކު ސިޓީގެ ދިގުވާޑާއި އައްޑޫސިޓީގެ މަރަދޫފޭދޫގައެވެ. 45 ދުވަހުގެ ތެރޭގައި މިފްޓްސެލް ދަނޑުތަކުގެ މަސައްކަތް ނިންމައި ޚިދުމަތް ދިނުމަށް ޙަވާލުކޮށްފައިވަނީ ސިންޓެކްސް ސޮލިޔުޝަން ޕްރައިވެޓް ލިމިޓެޑާއި އައިއެސް އެފް ކޮންސްޓަރަކްޝަން ޕްރައިވެޓް ލިމިޓެޑާއެވެ.
img:http://s4.psmnews.mv/images/660x400/14965722883372.jpg|
ދަނޑުތަކުގެ މަސައްކަތުގެ އެއްބަސްވުމުގައި ސޮއިކުރެއްވެމަށްފަހު ވާހަކަފުޅުދައްކަވަމުން ޔޫތުމިނިސްޓަރ އިރުތިޝާމް އާދަމް ވިދާޅުވީ މިސޮއިކުރި 6 ދަނަޑަކީ ރައްޔިތުންގެ ވަރަށްބޮޑު އެދުމާއިކު ހެދުމަށް ހަމަޖެހިފައިވާ ދަނޑުތަކެއްކަމަށެވެ. އަދި މިއީ ކުޅިވަރާބެހޭ މެނިފެސްޓޯ ތަންފީޒް ކުރުމުގެ މުހިންމު މަސައްކަތްތަކެއްކަމަށްވެސް މިނިސްޓަރ ވިދާޅުވިއެވެ.
ޖުމުލަ 6 ދަނޑެއްގެ އެއްބަސްވުމުގައި ސޮއިކުރުމަށް ބޭއްވި ރަސްމިއްޔާތުގައި އެ ދާއިރާތަކުގެ ރައްޔިތުން މަޖިލީހުގެ މެންބަރުންވެސް ބައިވެރިވެ ވަޑައިގެންނެވިއެވެ. މެންބަރުންގެ ވާހަކަފުޅުގައި ރައީސް ޔާމީންގެ ސަރުކާރުން ޒުވާނުންގެ ތަރައްޤީއަށާއި ކުރިއެރުމަށް ކުރަވަމުންގެންދަވާ މަސައްކަތް ފާހަގަކުރެއްވިއެވެ.
ސަރުކާރުގެ ކުޅިވަރު މެނިފެސްޓޯއާއި އެއްގޮތަށް 50 ފުޓުސެލް ދަނޑެއްގެ މަސައްކަތް ނިންމާފައިވާއިރު 90 ދަނޑެއްގެ މަސައްކަތް މިހާރުވެސް ގެންދަނީ ކުރައްވަމުންނެވެ. ޔޫތު މިނިސްޓްރީގެ އަމާޒަކީ މިއަހަރު ނިމެންވާއިރަށް މެނިފެސްޓޯގައި ހިމެނޭ 80 ޕަސެންޓް ދަނޑުގެ މަސައްކަތް ނިންމުމެވެ.