ކަނޑުގެ މުއްސަނދިކަމަށް ދިމާވެފައިވާ އެންމެބޮޑު ގޮންޖެހުމަކީ ކަނޑަށް އެޅޭ ޕްލާސްޓިކް ކަމަށް ފިޝަރީޒް މިނިސްޓަރ ޑރ. މުޙައްމަދު ޝައިނީ ވިދާޅުވެއްޖެއެވެ.
ޕީއެސްއެމް ނިޔުސްއިން ދެންނެވި ސުވާލަކަށް ޖަވާބު ދެއްވަމުން ޑރ ޝައިނީ ވިދާޅުވީ ކަނޑަށް އެޅޭ ތަފާތު ވައްތަރުގެ ކުނިބުނީގެ ސަބަބުން ކަނޑުގެ ދިރުމަށާއި އިންސާނީ ދަރިފަސްކޮޅަށްވެސް އެކަމުގެ ނުރައްކާތެރި އަސަރު ފޯރަމުންދާކަމަށެވެ. އަދި ޚާއްޞަކޮށް މޫދަށް އެޅޭ ތަފާތު ބާވަތްތަކުގެ ޕްލާސްޓިކް ދިރޭތަކެތީގެ ތެރެއަށް ވަދެ އިންސާނުންނާ ހަމަޔަށް އެކަމުގެ ނޭދެވޭ އަސަރު ފޯރައި، އެކަމުގެ ނުރައްކަލާ ކުރިމަތިވެފައިވާކަމަށް މިނިސްޓަރ ވިދާޅުވިއެވެ. އެހެންކަމުން ކަނޑަށް އަޅާ ޕްލާސްޓިކް މަދުކުރުމަށް ބޭރުގެ ފަރާތްތަކާ ގުޅިގެން ސަރުކާރުން މަސައްކަތްތަކެއް ކުރައްވަމުން ގެންދަވާކަމަށް ޑރ. ޝައިނީ ވިދާޅުވިއެވެ. މިއަހަރަގެ ޖޫންމަހުގެ 6 ވަނަ ދުވަހު ބޭއްވި އޯޝަން ސަމިޓްގެ ތެރޭގައި ރާއްޖޭގެ އިސްނެގުމަށް ޚާއްޞަ މަސައްކަތްތަކެއް ކުރެވިގެންދާނެކަމަށް މިނިސްޓަރ ވިދާޅުވިއެވެ.
img:http://s2.psmnews.mv/images/660x400/14856285590201.jpg|ފިޝަރީޒް މިނިސްޓަރ ޑރ. މުޙަންމަދު ޝައިނީ / ފައިލް ފޮޓޯ: ޕީއެސްއެމް
ކަނޑަށް އެޅޭ ކުނިބުނި މަދުކުރުމަށް ރާއްޖޭގެ ފެންވަރުގައި ގިނަ މަސައްކަތްތަކެއް ކުރަމުންދާކަމަށާއި، ދުނިޔޭގެ ފެންވަރުގައިވެސް ގިނަ މަސައްކަތް ތަކެއް ކަރަމުންދާކަމަށް ފިޝަރީޒް މިނިސްޓަރ ވިދާޅުވިއެވެ.