ޚަބަރު
ދެ ލޯންޗެއް ޖެހި، ނުރައްކާތެރި އެކްސިޑެންޓެއް!
-
އެއްވެސް މީހަކަށް ގެއްލުމެއް ލިބިފައެއް ނުވޭ
-
ދެ ލޯންޗަށް އެކިވަރުގެ ގެއްލުންތައްވި
ނުރައްކާތެރިކޮށް ލޯންޗު ދުއްވި މައްސަލައެއް ފުލުހުން ދަނީ ތަހުޤީޤުކުރަމުން/ ފައިލް ފޮޓޯ
މާލެ ސަރަހައްދުގައި ދެ ލޯންޗެއް ޖެހި އެކްސިޑެންޓެއް ހިނގައި، ގެއްލުންތަކެއް ވެއްޖެއެވެ.
ދިވެހި ފުލުހުންގެ ޚިދުމަތުން ވިދާޅުވީ، މާލެ ސަރަހައްދުގައި ދެ ލޯންޗު ޖެހިގެން ނުރައްކާތެރި އެކްސިޑެންޓެއް ހިނގައިގެން ފުލުހުން ހަރަކާތްތެރިވަމުން އަންނަ ކަމަށެވެ.
ފުލުހުން ވިދާޅުވީ، މި އެކްސިޑެންޓުގައި އެއްވެސް މީހަކަށް ބޮޑު އަނިޔާއެއް ލިބިފައިނުވާ ކަމަށެވެ. އެހެންނަމަވެސް ދެ ލޯންޗަށް އެކިވަރުގެ ގެއްލުންތައް ކުރިމަތިވެފައިވާ ކަމަށް ވިދާޅުވިއެވެ.
މައުލޫމާތު ލިބިފައިވާ ގޮތުގައި، އެކްސިޑެންޓްވި އެއް ލޯންޗަކީ މާލެ އާއި ކ. މާފުއްޓާ ދެމެދު ދަތުރުކުރާ އެސްކޭޕް ލޯންޗެވެ. އެކްސިޑެންޓް ހިނގީ އެސްކޭޕް ލޯންޗުގެ ފަހަތުކޮޅުގައި އެހެން ލޯންޗަކުން ޖެހިގެން ކަމަށްވެއެވެ.