ތަޢާވޫން އަތުން އަލް ނަސްރަށް އުނދަގޫ މޮޅެއް

ސައުދީ ޕްރޯ ލީގުގައި އަލް ތަޢާވޫން އަތުން އަލް ނަސްރަށް އުނދަގޫ މޮޅެއް ހޯދައިފިއެވެ.

ލީގުގައި ރޭ އަލް އައްވަލް ޕާކް ސްޓޭޑިއަމުގައި ކުޅުނު މި މެޗުން ނަސްރު މޮޅުވީ 0-1 ގެ ނަތީޖާއަކުންނެވެ.

ފުޓުބޯޅަ ކުރިއަރުވައި ޓީމު ވަރުގަދަކުރުމަށް ކްރިސްޓިއާނޯ ރޮނާލްޑޯ ހިމެނޭހެން ވަރުގަދަ ސްކޮޑަކާއެކު ނުކުތް އަލް ނަސްރުގެ އެއްވެސް ކުޅުންތެރިއަކަށް މެޗުގައި ލަނޑެއް ކާމިޔާބުކުރެވިފައެއް ނުވެއެވެ.

މެޗުގައި ފެނިގެންދިޔަ ހަމައެކަނި ލަނޑަކީ، ފުރަތަމަ ހާފުގެ އެންމެ ފަހު މިނެޓުގައި، ތަޢާވޫންގެ އަލް ދައުސަރީ އަތުން ބައިކޮޅަށް ވަން ލަނޑެކެވެ.

މިއީ މިފަހުން އެފްރިކަން ކަޕް އޮފް ނޭޝަންސް (އެފްކޮންސް) ގެ ތަށި ނެގި ސެނެގާލްގެ ސާޑިއޯ މާނޭ، އޭރިއާ ތެރެއަށް ނަގައިދިން ހުރަހެއް ދިފާޢުކުރަން އުޅުމުގެ ތެރޭގައި ދައުސަރީ ބޮލުން ފޮނުވާލި ބޯޅައެއް ގޮސް ގޯލުގެ ތެރެއަށް ވަދެގެން އަލް ނަސްރަށް ކާމިޔާބުކުރެވުނު ލަނޑެކެވެ.

މި ނަތީޖާއާއެކު އަލް ނަސްރުން ވަނީ ސައުދީ ލީގުގެ ތާވަލުގެ އެއްވަނައިގައި އޮތް އަލް ހިލާލާ ޕޮއިންޓުގެ ގޮތުން ފަރަގު ކުޑަކޮށްފައެވެ. އަލް ހިލާލަށް 17 މެޗުން 45 ޕޮއިންޓު ލިބިފައިވާއިރު އަލް ނަސްރަށް 17 މެޗުން 40 ޕޮއިންޓު ލިބިފައިވެއެވެ.