ގުޅިފަޅުން ގޯތި ލިބުނު ފަރާތްތަކަށް ބިން ޙަވާލުކުރަން ފަށައިފި

ބިންވެރިޔާ ސްކީމްގެ ދަށުން، ގުޅިފަޅުން ދޫކުރާ ގޯތިތަކުގެ ބިންތައް ވެރިފަރާތްތަކާ ޙަވާލުކުރުމުގެ މަސައްކަތް ފަށައިފިއެވެ.

ބިންވެރިޔާ ސްކީމްގެދަށުން، ގުޅިފަޅުން ދޫކުރާ ގޯތިތަކުގެ ބިންތައް ސާފުކޮށް، އިންވަކިކުރުމުގެ މަސައްކަތް ފަށާފައިވަނީ ފަށާފައެވެ.

ބިންވެރިޔާ ސްކީމްގެ ދަށުން ގުޅިފަޅުން ގޯތި ލިބުނު ފަރާތްތަކަށް ބިން ޙަވާލުކުރުމަށްޓަކައި، އެސަރަޙައްދު ސާފުކޮށް އިންވަކިކުރުމުގެ މަސައްކަތް މިމަހުގެ 3ވަނަ ދުވަހު އިމާރާތްކުރުމާއު ގެދޮރުވެރިކަމާއި ބިނާރާ ބެހޭ ވުޒާރާއިންވަނީ ފައްޓަވާފައެވެ. ފުރަތަމަ ގޯތި ޙަވާލުކުރާ ފަރާތްތަކަށް ގޯތި ދޫކުރުމަށް އާދިއްތަ ދުވަހުވަނީ ބިމުގެ ވެރިފަރާތްތައް ގުޅިފަޅަށް ގެންގޮސްފައެވެ.

Today, we began handing over residential land plots in Gulhifalhu to recipients under the Binveriya Scheme. Land plots currently occupied as temporary construction sites will be handed over once they are vacated by the contractors. pic.twitter.com/y5osgSj1nq

— Abdulla Muththalib (@muththo) September 14, 2025

ގޯތިތައް ވެރިފަރާތްތަކާ ހަވާޅުކުރަން ފެއްޓެވިަކން ހާމަކުރައްވައި އިމާރާތްކުރުމާއު ގެދޮރުވެރިކަމާއި ބިނާރާ ބެހޭ ވަޒީރު، ޑރ. އަބްދުﷲ މުއްޠަލިބް ވިދާޅުވީ ގުޅީފަޅުގައި ކޮންސްޓްރަކްޝަން ސައިޓްތަކެއްގެ ގޮތުގައި ވަގުތީގޮތުން ދޫކޮށްފައިވާ ބިންތައް ހުސްކުރުމުން އެބިންތައް ހިމެނޭ ސަރަޙައްދުތަކުގައި ހިމެނޭ ގޯތިތައްވެސް ހަވާލުކުރަމުން ގެންދާނެކަމަށެވެ.

ގުޅިފަޅުން ހޯތި ދިނުމަށްތަކައި މިމަހުގެ 3 ވަނަ ދުވަހާއި ހަމައަށް 1260 ފަރާތަކަށް ގޯތީގެ ރަޖިސްޓްރީން އެވުޒާރާއިންވަނީ ޙަވާލުކުރައްވާފައެވެ. ގެދޮރުވެރިކަމާ ބެހޭ ވުޒަރާގެ އަމާޒަކީ ގޯތި ލިބުނު ފަރާތްތަކަށް ވީހާވެސް އަވަހަކަށް ގޯތިތައް ދޫކޮށް ނިންމާލުމެވެ.

ގުޅިފަޅުން ގޯތި ލިބުނު ފަރާތްތަކަށް ލިބުނު ގޯތީގެ ގުރުއަތު އަލުންވަނީ ނަގާފައެވެ. އެއީ ގުޅިފަޅުގެ ލޭންޑް ޔޫސް ޕްލޭނަށް ގެނެވުނު ބަދަލަކާއި ގުޅިގެންނެވެ. ގުޅިފަޅުގެ ލޭންޑް ޔޫސް ޕްލޭނަށް ގެނެވުނު ބަދަލާއެކު ގުޅިފަޅުގައި ސޯޝަލް ހައުސިންގއަށްވެސް ބޮޑު ސަރަޙައްދެއްވަނީ ކަނޑައަޅާފައެވެ. އަދި އެސަރަޙައްދަށް ދިރިއުޅުން ބަދަލުކުރާ ފަރާތްތަކަށް ބޭނުންވާނެ އަސާސީ ޚިދުމަތްތައް ޤާއިމުކުރުމަށްޓަކައި ބޭނުންވާނެ ބިންތައްވެސްވަނީ ކަނޑައަޅާފައެވެ. އެގޮތުން ސްކޫލްތަކާއި ސިއްޙީ ޚިދުމަތާއި އިންޑަސްޓްރިއަލް މަސައްކަތްކުރުމަށާއި، ސިޓީހޮޓާ ތަރައްޤީކުރުމަށްވެސް އެކި ސަރަޙައްދުތައްވަނީ ކަނޑައަޅާފައެވެ.

ހަމައެއާއެކު އެސަރަޙައްދަށް ދިރިއުޅުން ބަދަލުކުރާ ފަރާތްތަކަށް ހިތްގައިމު މާޙައުލެއް ޤާއިމުކުރުމަށްތަކައި އާންމު އިޖުތިމާޢީ އެކި ސަރަޙައްދުތަކާއި ހިތްފަސޭހަ މައިޒާންތަކާއި ޕާކުތައް ތަރައްޤީކުރުމަށްވެސްވަނީ ހަމަޖެހިފައެވެ.