ރާއްޖޭގެ ޢުމްރާނީ ތަރައްޤީގެ މަޝްރޫޢުތައް ކުރިއަށްދާގޮތް އޭޑީބީއާ ހިއްސާކޮށްފި

ރާއްޖޭގެ ޢުމްރާނީ ތަރައްޤީގެ ދާއިރާއިން ހިންގާ މަޝްރޫޢޫތައް ކުރިއަށްގެންދިއުމަށް މި ސަރުކާރުން ގެންގުޅުއްވާ ތަސައްވުރު އޭޝިއަން ޑިވެލޮޕްމަންޓް ބޭންކުގެ ބޭފުޅުންނާއި ހިއްސާކުރައްވައިފިއެވެ.

މިކަން ހިއްސާކުރައްވާފައިވަނީ އިމާރާތްކުރުމާއި ބިނާރާ ބެހޭ ވަޒީރު ޑރ. ޢަބްދުﷲ މުއްޠަލިބް އޭޑީބީގެ ބޭފުޅުންނާއެކު ބޭއްވެވި ބައްދަލުވުމެއްގައެވެ.

މި ބައްދަލުވުމުގައި އިމާރާތްކުރުމާއި ބިނާރާ ބެހޭ ވަޒީރު ޑރ. ޢަބްދުﷲ މުއްޠަލިބް ވަނީ ރާއްޖޭގެ އިމާރާތްކުރުމުގެ ދާއިރާގައި މި ސަރުކާރުން ކުރިއަށްގެންދާ މަޝްރޫޢުގެ މައުލޫމާތު ހިއްސާކުރައްވާފައެވެ. އަދި މި މަޝްރޫޢުތައް ކުރިއަށްގެންދިއުމަށް ދިމާވާ މާލީ ދަތިތައް ވަނީ ހިއްސާކުރައްވާފައެވެ.

އޭޝިއަން ޑިވެލޮޕްމަންޓް ބޭންކްގެ ބޭފުޅުންނާއެކު ބޭއްވެވި ބައްދަލުވުމުގައި ވަޒީރު ޑރ. މުއްޠަލިބް ވަނީ ރާއްޖޭގައި މިވަގުތު ކުރިއަށްދާ ޢުމްރާނީ ތަރައްޤީގެ މަޝްރޫޢުތަކުގެ މައުލޫމާތު ހިއްސާކުރައްވާފައެވެ.

މި ބައްދަލުވުމުގައި ވަޒީރު ޑރ. މުއްޠަލިބް އަރިހުގައި ސްޓޭޓް މިނިސްޓަރ އިބްރާހީމް ޠަޢާމު މުޙައްމަދާއި، ޕާމަނަންޓް ސެކްރެޓަރީ މުޙައްމަދު ޝާމިލާއި، ޗީފް އެކައުންޓްސް އެގްޒެކިއުޓިވް ނާސިރާ މޫސާގެ އިތުރުން އެ ވުޒާރާގެ ޓެކްނިކަލް ޓީމުން ވަނީ ބައިވެރިވެފައެވެ.

އޭޑީބީގެ އެހީގައި ރާއްޖޭގައި ގިނަ އަދަދެއްގެ ޕްރޮޖެކްޓްތަކެއް ދަނީ ހިންގަމުންނެވެ.