ހައިޓެކް މޯލްޑިވްސްގެ ޝޯވރޫމެއް މާލޭގައި ހުޅުވައިފި

ހައިޓެކް މޯލްޑިވްސްގެ ޝޯވރޫމެއް ރާއްޖޭގައި ފުރަތަމަ ފަހަރަށް ހުޅުވައިފިއެވެ. މިތަން ހުޅުވާފައިވަނީ މާލޭ އޯކިޑްމަގުގައެވެ.

މިތަން ހުޅުވުމުގެ ރަސްމިއްޔާތުގައި ސްރީލަންކާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު އާދަމް މަސްވަނީ ޖަޢުފަރު ޞާދިޤް ވަނީ ބައިވެރިވެވަޑައިގެންފައެވެ.

މި ޝޯވރޫމް ހުޅުވުމަށްފަހު ޕީއެސްއެމް ނިއުސްއަށް މައުލޫމާތުދެއްވަމުން ހައިޓެކް މޯލްޑިވްސްގެ އޮޕަރޭޝަންސް މެނޭޖަރ މަރިޔަމް އިރާޝާ ވިދާޅުވީ، އެކުންފުނިން ބާޒާރުގައި ތަކެތި ވިއްކަމުންދާތާ މިހާރު އަހަރެއްވެފައިވާކަމަށެވެ. ނަމަވެސް މިއީ ޝޯވރޫމެއް ހުޅުވި ފުރަތަމަ ފަހަރުކަމަށެވެ.

މި ޝޯވރޫމްއިން ވުޑް ކޯޓިން ޕްރޮޑަކްޓްސްއާއި އިންޖީނިއަރިން ޕްރޮޑަކްޓްސް ލިބެން ހުންނާނެކަމަށް އޭނާ ވަނީ ބުނެފައެވެ.

"ޝޯވރޫމްއެއް މިހުޅުވީ އަދިކިރިޔާ. 1 އަހަރު ވެއްޖެ މި މަސައްކަތް ކުރާތާ. އަދިކިރިޔާ އަޅުގަނޑުމެންގެ ޕާޓްނާރސްއާއި ގުޅިގެން ޝޯރޫމެއް މި ހުޅުވާލީ." އިރާޝާ ބުންޏެވެ.

މިތަނުގައި ހައިޓެކްގެ 5 ޕާޓްނަރ ކުންފުނީގެ އުފެއްދުންތައް ލިބެން ހުންނާނެއެވެ. އެއީ ސެއިން ގޯބެއިން، ޖެޓް، މެކް ބާރޓަން، ފާރނިކްރާފްޓް އަދި ސަބަރ ޓޫތްއެވެ.

ހައިޓެކް މޯލްޑިވްސްއިން ކުރިން ތަކެތި ވިއްކަމުން ދިޔައީ އޮންލައިންކޮށެވެ. ޝޯރޫމް ހުޅުވުމުގެ ރަސްމިއްޔާތުގައި ހައިޓެކް މޯލްޑިވްސްގެ ވެބްސައިޓްވެސް ވަނީ ލޯންޗްކޮށްފައެވެ.