ކައުންސިލްތަކުގެ ކަންބޮޑުވުންތައް ކެބިނެޓަށް ހުށައަޅައިގެން ޙައްލުކޮށްދޭނަން: ވަޒީރު

ކައުންސިލްތަކުން ފާހަގަކުރާ މައްސަލަތައް ކެބިނެޓަށް ހުށައަޅުއްވައިގެން ޙައްލުކޮށްދެއްވުމަށް މަސައްކަތްކުރައްވާނެކަމަށް ސިޓީތަކާއި އިދާރީ ދާއިރާތައް ހިންގުމާއި ބެހޭ ވަޒީރު އާދަމް ޝަރީފު ޢުމަރު ވިދާޅުވެއްޖެއެވެ. ވަޒީރު މިހެން ވިދާޅުވީ ކ. ތުލުސްދޫގައި އޮތް ކޮލަބޮރެޓިވް ޑިވެލޮޕްމަންޓް ފޯރަމް ނިންމުމުގެ ރަސްމިއްޔާތުގައި ވާހަކަދައްކަވަމުންނެވެ.

މި މަސައްކަތު ބައްދަލުވުން ކުރިއަށް ގެންގޮސްފައިވަނީ އިންޓަނޭޝަނަލް ރިޕަބްލިކް އޯގަނައިޒޭޝަނާއި ލޯކަލް ގަވަމެންޓް އޮތޯރިޓީ އަދި އިންފޮމޭޝަން ކޮމިޝަނަރުގެ އޮފީސް ގުޅިގެންނެވެ. ކޮލަބޮރޭޓިވް ޑިވެލޮޕްމަންޓް ފޯރަމްގެ ބޭނުމަކީ ކައުންސިލްތައް ބާރުވެރިކޮށް ކައުންސިލްތަކުގެ ގާބިލްކަން އިތުރުކުރުމެވެ.

ކައުންސިލްތަކަށް ދިމާވާ ދަތިތައް ދެނެގަނެ، އެކަންކަން ހައްލުކުރެވޭނެ ގޮތްތަށް ހޯދުމަށް ކުރިއަށް ގެންދިޔަ މިފޯރަމް ނިންމުމުގެ ރަސްމިއްޔާތުގައިވާހަކަފުޅު ދައްކަވަމުން ޓީތަކާއި އިދާރީ ދާއިރާތައް ހިންގުމާއި ބެހޭ ވަޒީރު އާދަމް ޝަރީފު ޢުމަރު ވިދާޅުވީ، މި ސަރުކާރުގެ އަމާޒަކީ ރައްޔިތުން ބޭނުންވާގޮތައް ހުރިހާ ޚިދުމަތެއްވެސް ތަރުތީބުކޮށް ފަސޭހައިންލިބޭނެ މަގު ތަނަވަސްކޮށްދިނުންކަމަށެވެ.

Strategic deliberations with Secretariat of the Thulusdhoo Council & @lgaMaldives

As part of President Dr Mohamed Muizzu's commitment to constructive dialogue to nurture solutions & tackle challenges to build progressive communities.#Empowerment #SustainableDevelopment… pic.twitter.com/uiuzIMTXaT

— Adam Shareef Umar (@Adamshareefz) December 6, 2023

އާދަމް ޝަރީފު ޢުމަރު ވިދާޅުވީ، ކައުންސިލްތައް ހިންގުމާއި އަދި ބާރުވެރިކުރުވުމަށްޓަކައި މިހާރަށްވުރެ ބޮޑަށް މަސައްކަތް ކުރަންޖެހޭކަމަށެވެ. ސަރުކާރުގެ ޢަމާޒުހުރީ އެމަގަށް މަސައްކަތްތައް ކުރިއަށް ގެންދިއުމަށްކަމަށް ވަޒީރު ވިދާޅުވިއެވެ. ވަޒީރު ވިދާޅުވީ ކައުންސިލްތަކުގެ ކަންބޮޑުވުންތައް ކެބިނެޓަށް ހުށައަޅުއްވައިގެން އެކަންކަމަށް ހައްލު ގެނެސްދެއްވުމަށް މަސައްކަތް ކުރައްވާނެކަމަށެވެ.

"ސަރުކާރުގެ މިއަދުގެ އަމާޒަކީ ކުރިއަށްވުރެވެސް ބޮޑަށް ރައްޔިތުން ބާރުވެރި ކުރުވައި ރައްޔިތުން ބާރުވެރިކުރުވައި ކައުންސިލްތަކުން ދެވޭ ހިދުމަތްތައް މިހާރަށްވުރެވެސް ބޮޑަށް ރައްޔިތުން ބޭނުންވާނެ ގޮތަކަށް ކަންކަން ތަރުތީބު ކުރުމުގައި އަޅުގަނޑުމެން ސިޔާސަތުތައް ބައްޓަންކުރުމާއި އަދި ހަމައެއާއި އެކީގައި އަޅުގަނޑުމެންނަށް ކުރެވެންހުރި މަސައްކަތްތައް އެންމެ ރަނގަޅަކަށް ކުރުން." ވަޒީރު ވިދާޅުވިއެވެ.

ވަޒީރު ވަނީ ކައުންސިލްތަކުގެ ހިންގުމުގެދާއިރާ ހަރުދަނާކޮށް ޢާންމު ޚިދުމަތުގެދާއިރާ ކުރިއެރުވުމަށް ސަރުކާރުން ޚާއްޞަ އިސްކަމެއް ދެއްވާނެކަމަށްވެސް ވިދާޅުވެފައެވެ.

A crucial discussion on the challenges faced by Secretariat of Male' Atoll Council with Male' Atill council members & @lgaMaldives .

A collaborative effort to enhance local governance and public works in the capital region is very much a priority of President @MMuizzu's… pic.twitter.com/fAxHtQAPfK

— Adam Shareef Umar (@Adamshareefz) December 6, 2023

މި ބައްދަލުވުމުގައި ބައިވެރިވި ކައުންސިލްތަކުން އެހެން ކައުންސިލްތަކަށް ނަމޫނާއަކަށް ވުމަށް ވަޒީރު ވަނީ އެދިވަޑައިގެންފައެވެ. މަސައްކަތުގެ ތެރެއިން ރަނގަޅަށް ކުރިއަށް ދެވޭނި ދަސްވާ ކަންކަން އެކަކު އަނެކަކަށް ބުނެދީގެންކަން ވަޒީރު ފާހަގަކުރެއްވިއެވެ.

މި ތަމްރީން ޕްރޮގްރާމް ހިންގާފައިވަނީ 3 ކައުންސިލަކަށް އަމާޒުކޮށްގެންނެވެ. އެއީ ށ. އަތޮޅު ކައުންސިލް، މ. މުލަކު ކައުންސިލާއި، ފުވައްމުލަކު ސިޓީ ކައުންސިލެވެ. ވަޒީރު ވަނީ އެ 3 ކައުންސިލުން އެހެން ކައުންސިލްތަކަށް ނަމޫނާއަކަށް ވުމަށް އެދިވަޑައިގެންފައެވެ. އަދި މިނިވަންކަމާއެކު މައުލޫމާތު ހާމަކުރުމާއި، ޕްލާސްޓިކް މަދުކުރުމުގެ އިތުރުން މައުލޫމާތު ބޭނުންކޮށްގެން ކައުންސިލްގެ ކަންކަން ނިންމުމަށްޓަކައި ޚާއްޞަ އިސްކަމެއް ދެއްވުމަށްވެސް ވަޒީރު އެދިވަޑައިގެންނެވިއެވެ.