އިޓަލީގެ އެންމެ ވަރުގަދަ ޓޫރިޒަމް ފެއަރގައި ރާއްޖެ އިޝްތިހާރުކޮށްފި

މޯލްޑިވްސް މާކެޓިންގ އެންޑް ޕަބްލިކް ރިލޭޝަންސް ކޯޕަރޭޝަން، އެމްއެމްޕީއާރުސީން އިޓަލީގައި ބޭއްވި ޓީޓީޖީ ޓްރެވެލް އެކްސްޕީރިއަންސް 2023 ގައި ރާއްޖެ އިޝްތިހާރުކޮށްފިއެވެ.

މި ހަރަކާތް ކުރިއަށްގެންގޮސްފައިވަނީ އިޓަލީގެ ރިމިނީ އެކްސްޕޯ ސެންޓަރުގައި މިމަހުގެ 11 އިން 13އަށެވެ.

ޓީޓީޖީ ޓްރެވަލް އެކްސްޕީރިއަންސް އަކީ އިޓަލީގައި ފަތުރުވެރިކަން ޕްރޮމޯޓް ކުރުމަށް ބާއްވާ އެންމެ މުހިންމު އެއް ފެއަރއެވެ. މި ފެއާގައި އެމްއެމްޕީއާރުސީއާއެކު ޖުމްލަ 33 ކޯ އެގްޒިބިޓަރުން ބައިވެރިވިކަމަށް އެ ކުންފުނިން ވަނީ ބުނެފައެވެ.

މިފެއަރގައި ފަތުރުވެރިކަމުގެ އިންޑަސްޓްރީގެ ސްޓޭކްހޯލްޑަރުންނަށް އެ ފަރާތްތަކުގެ އުފެއްދުންތަކާއި ހިދުމަތްތައް އިންޑަސްޓްރީގެ ޕްރޮފެޝަނަލުންނާއި ކޮންސިއުމަރުންނަށް ފުޅާ ދާއިރާއެއްގައި ހުށަހެޅުމުގެ ގިނަ ފުރުސަތުތަކެއް ލިބިގެންދިޔަކަމަށް އެމްއެމްޕީއާރުސީން ބުނެއެވެ.

މި ފެއާއަކީ އިންޑަސްޓްރީގެ ޕާޓްނަރުންނަށް އެންމެ ފަހުގެ ޕްލޭންތައް އިއުލާންކޮށ،ް އާ ޕާޓްނަރުންނާ ގުޅިގެން މަސައްކަތް ކުރުމަށް ލިބުނު ރަނުގެ ފުރުސަތެއްގެ ގޮތުގައި އެމްއެމްޕީއާރުސީން ވަނީ ފާހަގަކޮށްފައެވެ.

މި އިވެންޓުގައި ރާއްޖޭގެ ފަތުރުވެރިކަމުގެ ޕްރޮޑަކްޓްތައްކަމަށްވާ ރިސޯޓ،ް ގެސްޓްހައުސ،ް ލިވަބޯޑ،ް އަދި ސިޓީ ހޮޓަލްތަކުން ފަތުރުވެރިންނަށް ފޯރުކޮށްދޭ ޚާއްޞަ ހިދުމަތްތަކާއި ތަފާތު ތަޖުރިބާތައް ދައްކާލިއެވެ.

އިޓަލީގެ މާކެޓަކީ ރާއްޖެއަށް މުހިންމު މާކެޓެކެވެ. ކޯވިޑްގެ ކުރިން 2019 ވަނަ އަހަރު އިޓަލީއަކީ 3ވަނަ ޓޮޕް ސޯސް މާކެޓެވެ. ވޭތުވެދިޔަ އަހަރާ އަޅާބަލާއިރު 2023 ވަނަ އަހަރުގެ ޖޫން މަހުގެ ނިޔަލަށް އެ މާކެޓުން ރާއްޖެއަށް އަންނަ ފަތުރުވެރިންގެ އަދަދު ވަނީ %31.1 އިތުރުވެފައެވ.ެ އިޓަލީއިން ރާއްޖެއަށް މިއަހަރުގެ މިހާތަނަށް ޖުމްލަ 84,093 ފަތުރުވެރިން ވަނީ ޒިޔާރަތްކޮށްފައެވެ.

2023 ވަނަ އަހަރުގެ މިހާތަނަށް އެމްއެމްޕީއާރުސީން ވަނީ އިޓަލީ މީޑިއާ ފެމިލިއަރައިޒޭޝަން ދަތުރެއް ކުރިއަށް ގެންގޮސްފައެވެ. އަދި މިއަހަރުގެ އޮކްޓޯބަރު މަހުގެ 15 އިން 13 އަށް ބޮލޯންޔާގައި ބާއްވާ އީޔޫޑީއައި ފަދަ ބޮޑެތި ޓްރޭޑް ޝޯތަކުގައި ވެސް ރާއްޖެ ޕްރޮމޯޓްކުރާނެއެވެ. މީގެ އިތުރުން ވިޒިޓް މޯލްޑިވްސް ސްޓޯރީޓެލާސް ކޮންފަރެންސް 2023 ގައި އިޓަލީގެ އިންފްލޫއެންސަރުން ބައިވެރިވެ، ރާއްޖެއަށް ބޮޑު ވިޒިބިލިޓީއަކާއި ކަވަރޭޖެއް ލިބިފައިވާކަމަށް އެމްއެމްޕީއާރުސީން ބުނެއެވެ.