ގިނަ ޚިދުމަތްތަކާއެކު ހުޅުމާލެ ސައުތު ވެސްޓް ހާބަރ ތަރައްޤީކުރަނީ

ހައުސިން ޑިވެލޮޕްމަންޓް ކޯޕަރޭޝަން، އެޗްޑީސީން ހުޅުމާލެ ސައުތު ވެސްޓް ހާބަރ ތަރައްގީކުރުމުގެ މަޝްރޫއު ބަޔަކާއި ހަވާލުކޮށްފިއެވެ. އެޗްޑީސީން މިމަސައްކަތް ހަވާލުކޮށްފައިވަނީ ޖީޕީއެލް ހޯލްޑިންގްސް ޕްރައިވެޓް ލިމިޓެޑާއެވެ.

އެޗްޑީސީން ބުނީ މިމަޝްރޫއުގެ ދަށުން ޑިންގީ ހާބަރަކާއި ފްލޯޓިންގ ޑޮކްގެ އިތުރުން އުޅަނދު ފަހަރަށް ކަރަންޓާއި ފެން ފޯރުކޮށްދިނުމުގެ ޚިދުމަތް ޤާއިމް ކުރެވޭނެ ކަމަށެވެ.

މީގެ ތެރެއިން ޑިންގީ ހާބަރުގައި ވެހިކަލް ޕާކު ކުރެވޭނެ ޖާގައިގެ އިތުރުން، ވިޔަފާރިތަކަށް ޚާއްސަ އިމާރާތެއް ހުންނާނެއެވެ. މިވަގުތު މާލެ ސަރަހައްދުގައި ގާއިމްކުރެވިފައިވަނީ އެންމެ ޖެޓީ ހާބަރެކެވެ. މިހާބަރަކީ އެކަށޭނަ ބޮޑުމިނެއްގެ ތަނަކަނުވުމުން، ހުޅުމާލެ ސައުތު ވެސްޓް ހާބަރުގައި ޤާއިމްކުރާ ޑިންގީ ހާބަރުގެ ސަބަބުން ޑިންގީ ގެންގުޅުއްވާ ފަރާތްތަކަށް ދިމާވާ ދަތިތަކަށް ހައްލެއް ލިބިގެންދާނެ ކަމަށް އެޗްޑީސީން ބުނެއެވެ. މީގެއިތުރުން ހުޅުމާލެގައި މިވަގުތު ކަމް ކާގޯ ވެސެލްއަށް ހާއްސަކޮށްގެން ހާބަރ އެއް ނެތުމުން، ދިމާވާ ދަތިތަކަށްވެސް މިތަން ތަރައްޤީވުމުން ހައްލު ލިބިގެންދާނެކަމަށްވެސް އެކުންފުނިން ބުނެއެވެ.

ކަނޑު އުޅަނދު ފަހަރު ބަނދަރުކުރުމަށް ދިމާވާ ދަތިތަކަށް ހައްލެއް ހޯދާދިނުމުގެ ގޮތުން ޖީޕީއެލް ހޯލްޑިންގްސް ޕަރައިވެޓް ލިމިޓެޑް އާއި ހަވާލުކޮށްފައިވާ ހުޅުމާލެ ސައުތް ވެސްޓް ހާރބަރ ތަރައްގީކުރުމުގެ މަޝްރޫއުގައި ޑިންގީ ހާބަރގައި ފްލޯޓިންގ ޑޮކްގެ އިތުރުން އުޅަނދުފަހަރަށް ކަރަންޓާއި… pic.twitter.com/XRdXdUmNLK

— Urbanco (@hdcmaldives) October 4, 2023

ސައުތް ވެސްޓް ހާބަރ ތަރައްގީކުރަނީ ވެހިކަލް ޕާކިން ޒޯނަކާވެސް އެކުގައިކަމުން، މާލެ ސަރަހައްދުގައި އުޅަނދު ޕާކް ކުރުމަށް ދިމާވެފައިވާ ގޮންޖެހުމަށް ކޮންމެވެސް ވަރެއްގެ ލުއެއް ލިބިގެންދާނެ ކަމަށްވެސް އެޗްޑީސީން ބުނެއެވެ. އެގޮތުން ކާރު، ސައިކަލްގެ އިތުރުން ނުކުޅެދުންތެރިކަން ހުންނަ ފަރާތްތަކަށް ޚާއްސަ ޕާކިން ސްޕޭސް ގާއިމްކުރެވޭނެއެވެ. އަދި ކޮމާޝަލް ޑިވެލޮޕްމެންޓަށް ތަފާތު ސްޕޭސްތައް ތަރައްގީ ކުރެވޭނެކަމަށްވެސް އެޗްޑީސީން ބުނެއެވެ.

ހުޅުމާލެ ސައުތް ވެސްޓް ހާބަރ ތަރައްގީކުރަނީ ފްލޯޓިންގ ޑޮކްގެ އިތުރުން އުޅަނދުފަހަރަށް ކަރަންޓާއި ފެން ފޯރުކޮށްދެވޭނެ ޚިދުމަތްތަކާވެސްއެކުއެވެ. މިއީ މެރީނާގެ މުވައްޒަފުންނާއި ތަނަށް ޒިޔާރަތްކުރާ ފަރާތްތަކަށްވެސް ގިނަ ތަޖުރިބާތަކެއް އެއްތަނަކުން ކޮށްލެވޭނެހެން ފަރުމާކުރެވިފައިވާ މަޝްރޫޢެއް ކަމަށް އެޗްޑީސީން ހާމަކުރެއެވެ.