ހައިކޯޓަށް މިދިޔަ އަހަރު ހުށައެޅުނު 413 މައްސަލައިގެ ތެރެއިން
329 މައްސަލައެއް ނިންމާފައިވާ ކަމަށް އެކޯޓުން ހާމަކޮށްފިއެވެ.
ހައިކޯޓްގެ ތަފާސް ހިސާބުތަކުން ދައްކާ ގޮތުން ހައިކޯޓުން ނިންމާފައިވާ
މައްސަލަތަކުގެ ތެރޭގައި އާޢިިލީ 16 މައްސަލައެއް ހިމެނޭއިރު، ވަޒީފާއާއި ބެހޭ 21 މައްސަލައަކާއި
މަދަނީ 136 މައްސަލަ ހިމެނެއެވެ. އަދި ދުސްތޫރީ 6 މައްސަލައެއް ހިމެނޭކަމަށް ހައިކޯޓުގެ
ތަފާސް ހިސަބުތަކުން ދައްކައެވެ.
މީގެ އިތުރުން 158 ޖިނާއީ މައްސަލަ ނިންމާފައިވާއިރު، ބެލެނިވެރިކަމުގެ
އިޚްްތިސާސްއާއި ގުޅޭ މައްސަލައެއްވެސް ބަލާފައިވާ ކަމަށް ހައިކޯޓުގެ ތަފާސް ހިސާބުތަކުން
ދައްކައެވެ.
2015 ވަނަ އަހަރު ދިވެހިރާއްޖޭގެ ހައިކޯޓުގައި ރަޖިސްޓްރީ ކުރެވިފައިވަނީ
413 މައްސަލަކަމަށް ތަފާސް ހިސާބުތަކުން ދައްކާއިރު، އެއީ އާޢިލީ 17 މައްސަލައަކާއި ވަޒީފާއާ
ބެހޭ 49 މައްސަލައަކާއި 189 މަދަނީ މައްސަލައަކާއި 2 ދުސްތޫރީ މައްސަލައަކާއި ޖިނާޢީ 147 މައްސަލައިގެ
އިތުރުން ޓެކުސްއާ ބެހޭ 3 މައްސަލަ އަދި ދިވެހިރާއްޖޭގެ ސުޕްރީމް ކޯޓުން ތަޚްވީލު ކުރި
ނުވަތަ އަލުން ބަލަން އެންގި 5 މައްސަލައެކެވެ.