ފުލުހުން ހިންގި ޑްރަގުގެ ބޮޑު އޮޕަރޭޝަނެއްގައި 100 ކިލޯ މަސްތުވާތަކެއްޗާއެކު 10 މީހުން ހައްޔަރުކޮށްފިއެވެ.
ކަމިޝަނާ އޮފް ޕޮލިސް މުޙައްމަދު ޙަމީދު ކުރެއްވި ޓްވީޓުގައި ވިދާޅުވީ ފައިތުވެދިޔަ 24 ގަޑިއިރު ތެރޭގައި ފުލުހުންގެ ހިންގި މި އޮޕަރެޝަނެއްގައި 100 ކިލޯގެ ޑްރަގު ހޯދާފައިވާކަމަށެވެ. މި އޮޕަރޭޝަންގައި ހޯދާފައިވަނީ ޑްރަގުގެ ބާވަތެއް ކަމުގައި ހެރޮއިންކަމަށް ސީޕީ ވިދާޅުވިއެވެ.
While at #GSF2021 I have been following a well executed joint counter-narcotics trafficking operation in the last 24 HRS, by officers from DED, Drug Intelligence, Marine Police & Forensics. Arresting 10 people, searched 10 locations and seized approximately 100 kgs of heroin.?? pic.twitter.com/oozGzEnkFJ
— Mohamed Hameed (@M_Hameedh) October 14, 2021
މި އޮޕަރޭޝަނަކީ ޑްރަގް އެންފޯސްމަންޓް ޑިޕާޓްމަންޓު (ޑީއީޑީ) އާއި މެރިން ޕޮލިހާއި ފޮރެންސިކްސް އަދި ޑްރަގް އިންޓެލިޖެންސް ގުޅިގެން ހިންގި އޮޕަރޭޝަނެކެވެ.
މި އޮޕަރޭޝަންގައި ފުލުހުން ހައްޔަރު ކުރި 10 މީހުންނާއެކު ބަލާފާސް ކުރި 10 ތަނަކުން 100 ކިލޯގެ ޑްރަގު ފެނިފައިވެއެވެ. މި އޮޕަރޭޝަނާއި ގުޅޭ އިތުރު ތަފްސީލް ފުލުހުން އަދި ހާމައެއް ނުކުރެއެވެ.