ރާއްޖޭގެ
ޚާރިޖީ ސިޔާސަތަށް އޮތް އެންމެ ބޮޑު ގޮންޖެހުމަކީ ރާއްޖޭގެ އެތެރޭގައި އުފެދޭ
ދާޚިލީ މައްސަލަތައްކަމަށް ރައީސުލްޖުމްހޫރިއްޔާ އަބްދުﷲ ޔާމީން އަބްދުލްޤައްޔޫމް
ވިދާޅުވެއްޖެއެވެ.
ރައީސް
ޔާމީން މިހެން ވިދާޅުވީ، މިސަރުކާރުގެ ޚާރިޖީ ސިޔާސަތަށް ދެ އަހަރު ފުރުމާއި،
ރާއްޖެ އދ. ގައި ބައިވެރިވިތާ 50 އަހަރު ފުރުން ފާހަގަކުރުމަށް މިރޭ ހޮޓެލް
ޖެންގައި ބޭއްވެވި ރަސްމިއްޔާތުގައި ވާހަކަފުޅު ދައްކަވަމުންނެވެ. ރައީސް
ވިދާޅުވީ، އެމަނިކުފާނުގެ ސަރުކާރުގެ ޚާރިޖީ ސިޔާސަތުގައި އެންމެ ވިސްނަވަނީ ވަނީ
ދާޚިލީ މައްސަލަތައް ހައްލުކުރެއްވުމަށް ކަމަށެވެ. ރައީސުލްޖުމްހޫރިއްޔާ ޢަަބްދުﷲ
ޔާމީން ޢަބްދުލްޤައްޔޫމްގެ ޚާރިޖީ ސިޔާސަތަށް ދެ އަހަރުފުރުން ފާހަގަކުރެއްވުމަށް
ބޭއްވެވި ރަސްމިއްޔާތުގައި ވާހަކަފުޅު ދައްކަވަމުން ރައީސް ވިދާޅުވީ ރާއްޖޭގެ
ޚާރިޖީ ސިޔާސަތަކީ ވަކި ޤައުމެއް އިސްތިސްނާ ކުރުމެއްނެތި ހުރިހާ ޤައުމަކާ
އެކުވެސް ގުޅުން ބަދަހިކުރުންކަމަށާއި، ރާއްޖެ އަބަދުވެސް ކުރިއަށްދާނީ
އެގޮތުގައިކަމަށެވެ.
ރާއްޖޭގެ
ދާޚިލީ މައްސަލަތަކަށް އެހެން ޤައުމުތަކުން ވަންނަމުންދާ ކަމަށް ދޭހަވާ ފަދަ
ގޮތަކަށް ވާހަކަ ދައްކަވަމުން ރައީސް ވިދާޅުވީ ޤައުމުގެ ދާހިލީ މައްސަލަތަކަކުގެ
ތެރެއަށް އެހެން ޤައުމުތަކުން ވަންނަނަމަ ދުވަހަކުވެސް ހަމަޖެހުމެއް
ނުފެންނާނެކަމަށެވެ.
ދާދި
ފަހުންް، ބާރުގަދަ ޤައުމަކުން ރާއްޖެއާމެދު ފިޔަވަޅު އަޅަން ގޮވާލާފައިވާކަން
ފާހަގަކުރައްވަމުން ރައީސް ވިދާޅުވީ، އަދުގެ ސަރުކާރުން އަޅާ ކޮންމެ ފިޔަވަޅަކީ
ރާއްޖޭގެ ހުރި ޤާނޫނުތަކާ ޤަވާއިދުގެ ތެރެއިން އަޅާ ފިޔަވަޅެއްކަން އެ
ޤައުމުތަކުންނެއް ނުބަލާކަމަށެވެ. އެޤައުމުތަކުން އެގޮތަށް ގޮވާލުމުގެ ކުރިން
ރާއްޖެއަށް ވަޑައިގެން ރާއްޖޭގެ ކަންކަން އޮތް ނެތް ގޮތާ ރާއްޖޭގައި ހެދިފައިވާ
އުޞޫޫލުތަކަކީ ކޮބައިތޯ ބައްލަވައިފިނަމަ އެކަން އެގޮތަށް ނުކުރާނެކަމަށް
ވިދާޅުވިއެވެ. ނަމަވެސް އެގޮތަށް އަމަލުކުރެވޭނީ އެފަދަ ބާރުގަދަ ޤަައުމުތަކުގެ
ވިސްނުމާ ފިކުރު އެނޫން ގޮތަކަށް ބަދަލުކޮށްގެންކަމަށާއި، ވަކިވަކި ގައުމުތަކުގައި
ހެދިފައި އޮންނަ އުޞޫޫލުތަކަށް އިޚުތިރާމް ކުރުމުގެ ޘަގާފަތް އާލާކުރެވިގެންކަމަށް
ވިދާޅުވިއެވެ. އެހެންކަމުން ރާއްޖޭގެ ދާޚިލީ ކަންކަމުގައި އދ.ގެ މެމްބަރު
ޤައުމުތަކުންވެސްް އިންސާފުގެ ނަޒަރަކުން ބެއްލެވުމަށް ރައީސް
އެދިވަޑައިގެންނެވިއެވެ. މި ސަރުކާރުގެ ޚާރިޖީ ސިޔާސަތުގައި އެންމެ ބޮޑު
އިސްކަމެއް ދެއްވާނީ ގައުމުތަކާ އޮންނަ ގުޅުން ބަދަހިކުރެއްވުންކަން
ފާހަގަކުރައްވާ ރައީސް ވިދާޅުވީ،
ރާއްޖެއިން
އަބަދުވެސް އެދެނީ މި ސަރަހައްދުގެ އެހެން ޤައުމުތަކުން ވެސް ރާއްޖެއަށް ދަތިވެގެންދާ ކަންކަމުގައި،
އެޤަައުމަކަށް އެހީވާ ފަދައިން، އެ ޤައުމުތަކުން ވެސް ސިޔާސީ އަޑުއުފުލުމާއެކު ރާއްޖެ
އަށް އެހީތެރިވުންކަމަށް ވިދާޅުވިއެވެ. ރައީސް ޔާމީން ވިދާޅުވީ، އަބަދުވެސް
ރާއްޖެއާއި އެންމެ ގާތް ދައުލަތަކީ އިންޑިއާ ކަމަށެވެ. މީގެ އިތުރުން އެހެނިހެން
ޤައުމުތަކާއި އެކުވެސް އޮންނަ ގުޅުން ބަދަހިކަމަށާއި، އެގޮތުން ޗައިނާ އާއި އެކު
އޮތް ގުޅުމަކީ އިޤުތިޞާދީ ފުދުންތެރިކަން އިތުރު ކުރުމަށް ކުރާ މަސައްކަތްކަމަށް
ވިދާޅުވިއެވެ. އަދި ރާއްޖެ އާއި ޗައިނާގެ ގުޅުން ބަދަހި ވުމަކުން ސަރަހައްދުގެ
ސަލާމަތައް ނުރައްކަލެއް ނެތް ކަމަށް ރައީސް ވިދާޅުވިއެވެ.
މި
ރަސްމިއްޔާތުގައި ޚާރިޖީ ވަޒީރު ދުންޔާ މައުމޫން ދެއްކެވި ވާހަކަފުޅުގައިވެސް ވަނީ
އެންމެ އިސްކަމެއް ދެއްވަނީ އިންޑިއާއިއެކު ގުޅުން ބަދަހިކުރެއްވުމަށްކަމަށް
ވިދާޅުވެފައި. މީގެ އިތުރުން އިސްލާމީ ޤައުމުތަކާއިއެކުވެސް ރައީސް ޔާމީންގެ
ސަރުކާރުން ބާއްވަވާ ބަދަހި ގުޅުމުގެ ސަބަބުން ޢަރަބި އިސްލާމީ ޤައުމުތަކުގެ
އިޚްތިރާމް ލިބުމުގެ ނަތީޖާއަކަށްވީ ރާއްޖެއަށް އިތުރުު މަންފާއާއި ފައިދާ
ލިބުންކަމަށް ވިދާޅުވިއެވެ.
މި
ރަސްމިއްޔާތިގައި ވަނީ ޚާރިޖީ ދާއިރާގައި ގިނަ ދުވަސްތަކެއްވަންދެން
ޚިދުމަތްކުރެއްވި ބޭފުޅެއްކަމަށް މަރްހޫމް ނިޝާން ޢިއްޒައްދީނުގެ ޢިއްޒަތުގެ
ވެރިޔާ ޢަބްދުއްސައްތާރު މޫސާ ދީދީގެ ހަނދާނުގައި އެއް މިނިޓްގެ ސުކޫތެއް
ގެންނަވާފައެވެ.