އައިޖީއެމްއެޗް / ފައިލް ފޮޓޯ: ޕީއެސްއެމް
ދެ މީހެއްގެ ދެމެދުގައި ހިންގި މާރާމާރީއެއްގައި ޒަޚަމްވި މީހަކަށް އައިޖީއެމްއެޗްގައި ފަރުވާދޭން ފަށައިފިއެވެ.
ފުލުހުން ވިދާޅުވީ ޒަޚަމްވެފައިވަނީ ގަލޮޅު ފާށަނާކިލެގެ މަގު ގޯޅިގަނޑެއްގެ ތެރޭގައި މާރާމާރީ ހިންގި ދެ މީހެއްގެ ތެރެއިން އެކަކު ކަމަށާއި، އެކަމުގެ މައުލޫމާތު ފުލުހުންނަށް ލިބިފައިވަނީ މިރޭ 21:50 އެހާއިރުކަމަށެވެ.
ސޯޝަލް މީޑިއާގައި ދައުރުވަމުންދާ ފޮޓޯތަކުން ފެންނަގޮތުން މާރާމާރީގައި ޒަޚަމްވެފައިވަނީ އެމީހާގެ ބޮލެވެ. ފުލުހުން ވިދާޅުވީ އޭނާއަށް ހަމަލާ ދީފައިވަނީ ތޫނު އެއްޗަކުން ނޫންކަމަށާއި ހާލު ސީރިއަސް ނޫންކަމަށް މައުލޫމާތު ލިބިފައިވާކަމަށެވެ.
މިމައްސަލަ ތަޙުޤީގު ކުރަމުންދާ ކަމަށްވެސް ފުލުހުން ވިދާޅުވިއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ