ދަރުމަވަންތަ ހޮސްޕިޓަލް-
ދަރުމަވަންތަ ހޮސްޕިޓަލުގައި މިއަދު ނިޔާވި 55 އަހަރުގެ މީހާނިޔާވީ ސީދާ ކޯވިޑް ބަލީގައި ނޫން ކަމަށް ހެލްތު ޕްރޮޓެކްޝަން އޮތޯރިޓީ، އެޗްޕީއޭއިން ވިދާޅުވެއްޖެއެވެ.
އެޗްޕީއޭއިން ވިދާޅުވީ މިއަދު ހެނދުނު 11:19 ހާއިރު، ދަރުމަވަންތަ ހޮސްޕިޓަލުގައި ކޯވިޑަށް ފަރުވާ ދެމުންދިޔަ އުމުރުން 55 އަހަރުގެ އަންހެން މީހާ ނިޔާވީ ކޯވިޑްގެ ސަބަބުން ނޫންކަން މިހާރު ކަނޑައަޅާފައިވާކަމަށެވެ. އޭނާ ނިޔާވިއިރު ފަރުވާދެމުންދިޔައީ ދަރުމަވަންތަ ހޮސްޕިޓަލުގެ އައިސީޔޫގައެވެ.
އެހެންކަމުން އެއީ ކޯވިޑްގެ މަރެއްނޫން ކަމަށް އެޗްޕީއޭއިން ވިދާޅުވިއެވެ. މިގޮތަށް ނިންމުމުން މިހާރު ރާއްޖެއިން ކޯވިޑްގައި ނިޔާވި މީހުންގެ ޢަދަދަކީ 197އެވެ.
ރާއްޖެއިން ކޯވިޑް ޖެހިގެން ނިޔާވި 197 މީހުންގެ ތެރޭގައި ހިމެނެނީ 180 ދިވެހިންނާއި 17 ބިދޭސީންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ