އެއްގަމު ދަތުރުފަތުގެ
ޤާނޫނާއި ޚިލާފްވާ ފަރާތެއް ފެނިއްޖެނަމަ، ފުލުހަކު، ފުލުހުންގެ ރަސްމީ ޑިއުޓީ
ފިޔަވައި އެހެން ގަޑިތަކުގައިވެސް ފުލުހެއްކަން އަންގައިދޭ ކާޑް ދެއްކުމަށްފަހު އެ
އުޅަނދެއް ހިފަހައްޓާ ފިޔަވަޅު އެޅޭގޮތަށް އެއްގަމު ދަތުރުފަތުރާއި ބެހޭ ޤާނޫނަށް ހުށައެޅުއްވި
އިޞްލާޙު ރައްޔިތުންގެ މަޖިލީހުން ފާސްކޮށްފިއެވެ.
މި އިޞްލާޙު ފާސްކޮށްފައިވަނީ ވޯޓުގައި ބައިވެރިވި 66 މެމްބަރުންގެ
އިއްތިފާގުންނެވެ.
އެއްގަމު ދަތުރުފަތުރާއި ބެހޭ ޤާނޫނަށް ހުޅު ހެންވޭރު ދާއިރާގެ
މެންބަރު މޫސާ މަނިކު ހުށައެޅުއްވި، މި އިޞްލާޙުގައި ބުނެފައިވަނީ، ފުލުހަކު، ފުލުހުންގެ ރަސްމީ ގަޑި ފިޔަވައި އެހެންގަޑިތަކުގައި
އުޅޭއިރު، އެއްގަމު ދަތުރު
ފަތުރާއި ޚިލާފަށް ޢަމަލްކުރާތަން ފެނިއްޖެނަމަ، އެފަރާތެއް ހުއްޓުވައި
ފުލުހެއްކަން އަންގައިދޭ ކާޑް ދައްކައި، އުޅަނދާއި، ޑްރައިވިންގ ލައިސަންސް ބަލާ
ފާސްކުރެވޭނެކަމަށެވެ. އަދި އުޅަނދުގެ ރަޖިސްޓްރީއާއި ގުޅޭ ލިއުންތަކާއި،
އުޅަނދުގައި ފުރިހަމަވެފައި ހުންނަންޖެހޭނެކަމަށް ޤާނޫނު ލާޒިމްކުރާ ކަންތައްތައް
ފުރިހަމަ ވެފައިވާކަމުގެ ސްޓިކަރ ނުވަތަ ލިއުންތައް ހަމައަށް ހުރިތޯ ބަލައި
ފިޔަވަޅު އެޅުމުގެ ބާރު ފުލުހުންނަށް ލިބިގެންވާނެކަމަށެވެ.
މޫސާ މަނިކު ހުށައެޅުއްވި މި އިޞްލާޙު މިއަދު މަޖިލީހުން ފާސްކޮށްފައިވަނީ، ކޮމިޓީ މަރުހަލާގައި މެންބަރުން ދިރާސާ ކުރުމަށްފަހު، މި އިސްލާހުގައި ޖޫރިމަނާ
ބޮޑުކުރުމަށް ހުށައަޅާފައިވާ ޢަދަދުތައް އުނިކޮށް މިހާރުވެސް ނަގަމުން ގެންދާ
ޖޫރިމަނާގެ ޢަދަދަށް ނަގާގޮތަށެވެ.