ޖަރުމަނާއެކު ފީފާ ވޯލްޑް ކަޕް 2014 ވަނަ އަހަރު އުފުލާލި ތަޖުރިބާކާރު މިޑްފީލްޑަރު ސާމީ ކެދީރާ ފުޓުބޯޅައިން ރިޓަޔާކުރަން ނިންމައިފިއެވެ.
ޖަރުމަނުގެ ސްޓުޓްގާޑުން 2006 ވަނަ އަހަރު ސީނިއާ ކެރިއަރުފެށި ކެދީރާ ވަނީ ޔޫރަޕު ފުޓުބޯޅައިގެ ބޮޑެތި ކުލަބުތަކަށް ކުޅެފައެވެ. އެގޮތުން ޗެމްޕިއަންސް ލީގުގެ އެންމެ ކާމިޔާބު ޓީމު އަދި ސްޕެއިންގެ އެންމެފަހުގެ ޗެމްޕިއަން ރެއާލް މެޑްރިޑާއެކު ފަސް އަހަރު އޭނާ ހޭދަކޮށްފައިވާއިރު އެޓީމަށްފަހު އިޓަލީގެ ޔުވެންޓަސްއާ އެކުވެސް ވަނީ ފަސް އަހަރު ހޭދަކޮށްފައެވެ. މިހާރުގެ ކްލަބް ހާތާ ބާލިން އަށް ކެދީރާ ބަދަލުވެފައިވަނީ މި އަހަރުއެވެ.
After the match on Saturday it’s time to say goodbye. So proud that I had the chance to experience all these special moments with you! Thanks to all the fans, teammates, coaches and of course my family and friends. ?? pic.twitter.com/tCkwb38PgE
— Sami Khedira (@SamiKhedira) May 19, 2021
ފުޓްބޯޅަ ކުޅުން ހުއްޓާލަން ނިންމާފައިވާކަން ހާމަކޮށް މިހާރު ހާތާ ބާލިންއަށް ކުޅެމުން އަންނަ ކެދީރާ ކުރި ޓުވީޓެއްގައި ބުނެފައިވަނީ، ޓީމުން މި ސީޒަނުގެ ބުންޑަސްލީގާ ގައި ކުޅޭ އެންމެފަހުމެޗު ކަމަށްވާ ހޮނިހިރު ދުވަހު ހާތާ ބާލިން އާއި ދެކޮޅަށް ކުޅޭ މެޗަށްފަހު ފުޓުބޯޅަކުޅުން ހުއްޓާލަން ނިންމާފައިވާ ކަމަށެވެ. އޭނާ ފުޓްބޯޅައިގަ އެންމެ މަތީ ފަންތީގައި ހޭދަ ކުރި 15 އަހަރުގެ ތެރޭގައި ޖަރުމަނުގެ ގައުމީ ޓީމަށް 77 މެޗު ކުޅެފަ. އޭނާ ވަނީ ކެރިއަރު 48 ލަނޑު ކާމިޔާބުކޮށްފައެވެ.