މުޖުތަމަޢަށް ފައިދާކުރަނިވި މަސައްކަތް ކުރާ ޒުވާނުންނަށް ހިތްވަރު
ދިނުމުގެގޮތުންދެމުން އަންނަ ޒުވާނުންގެ ޤައުމީ އެވޯޑް 8 ބޭފުޅަކު
ހާސިލްކުރައްވައިފިއެވެ.ބައިނަލްއަޤުވާމީ ޒުވާނުންގެ ދުވަސް ފާހަގަ ކުރެއްވުމަށް ބޭއްވި
ރަސްމިއްޔާތުގައި 6 ދާއިރާއަކުން ވަނީ އެވޯޑް ދީފައެވެ. އަދި މިނިސްޓަރ އޮފް ޔޫތް
އެންޑް ސްޕޯޓްސް ދެއްވާ ޚާއްސަ އެވޯޑް 2 ފަރާތަކަށްވެސް ވަނީ ދެއްވާފައެވެ.
ދަރުބާރުގޭގައި
ބޭއްވި ޒުވާނުންގެ ދުވަހުގެ ރަސްމީ ޖަލްސާގައި މިއަހަރުގެ ޒުވާނުންގެ ޤައުމީ އެވޯޑް
ހާސިލްކުރި 6 ފަރާތަކީ،
ވިޔަފާރިއާއި އިޤްތިޞާދީ ދާއިރާ: އަބްދުﷲ ނިޔާމް
ހަސަން،
އުފެއްދުންތެރިކަމުގެ ދާއިރާ: އިބްރާހީމް
މަމްދޫހް،
މަސްދުވާތަކެއްޗާ ދެކޮޅަށް މަސައްކަތްކުރުމުގެ
ދާއިރާ: ނަސްރުﷲ ނިޔާޒް،
ކުޅިވަރަށް ޚިދުމަތް ކުރުމުގެ ދާއިރާ: މޫސާ
އިބްރާހީމް އަދި ހަފްސީ އަބްދުﷲ
ދަރުމަވެރިކަމުގެ ދާއިރާ: ދިމްނާ ފާކިރު
މިރަސްމިއްޔާތުގައި މިނިސްޓަރ އޮފް ޔޫތް އެންޑް
ސްޕޯޓްސް ދެއްވާ ޚާއްސަ އެވޯޑް ލިބިވަޑައިގެންނެވީ އެތްލެޓިކްސް ދާއިރާއިން
ރާއްޖެއަށް ރަން މެޑަލް ހޯދައިދިން، ހަސަން ސާޢިދުއަށާއި، "ރަންދިހަ ފަހެއް"
ނޫޓް ސީރީސް ކުރެހުމުގެ ޝަރަފް ހޯދި އަބްދުﷲ ނަޝާތުއެވެ.
މިރަސްމިއްޔާތުގައި އެވޯޑް ހާސިލްކުރައްވާފައިވާ
ފަރާތްތަކަށް އެވޯޑް ހަވާލުކުރައްވާފައިވަނީ އިކޮނޮމިކް މިނިސްޓަރ މުހައްމަދު
ސައީދުއެވެ.
އެވޯޑް ލިބުނު ފަރާތްތަކުން ވަނީ ސަރުކާރުން
ޒުވާނުންގެ އަގު ވަޒަންކޮށް ދިން އެވޯޑަކީ ކުރިއަށް ދިއުމަށް ލިބުނު އިތުރު
ހިތްވަރެއްގެގޮތުގައި ސިފަކުރައްވާފައެވެ.
މިހަފްލާގައި ވާހަކަފުޅު ދައްކަވަމުން ޔޫތް މިނިސްޓަރ
އަޙުމަދު ޒުހޫރު ވިދާޅުވީ ޒުވާނުގެ ކުރި
މަގު އުޖާލާކޮށް ބާރުވެރިކުރުމަށް ސަރުކާރުގެ ހުރިހާ މުއައްސަސާތަކުންވެސް
މަސައްކަތް ކުރަމުން އަންނަކަމަށެވެ. އެގޮތުން މިސަރުކާރަކީ ޒުވާނުންނަށް ފުރުސަތު
ތަނަވަސްކޮށްދޭ ސަރުކާރެއްކަމަށާއި ޒުވާނަކު ކުރިއަށްދާން ބޭނުންވާ ރޮނގަކުން
ކުރިއަށް ދިއުމުގެ ފުރުސަތު އޮންނާނެކަމަށް ވިދާޅުވިއެވެ.
ޒުވާނުންގެ އެވޯޑަށް ކުރިމަތިލެވެނީ އުމުރުން 18
އަހަރާއި 35 އަހަރުގެ ޒުވާނަކަށްވެ، އެދާޢިރާއަކަށް މެދުކެނޑުމެއްނެތި5 އަހަރު
ޚިދުމަތްކޮށްފައިވާ ފަރާތްތަކަށެވެ.