ދ. ހުޅުދެލީގެ ބަނދަރުގެ ބޭރު ތޮށިލުމަށް ބޭނުންވާ ބޮޑު ހިލައިގެ ދެވަނަ ޝިޕްމެންޓް އެރަށަށް ގެންގޮސްފިއެވެ. މި މަޝްރޫޢުގެ އަމަލީ މަސައްކަތް ފަށާފައިވަނީ މިިދިޔަ އަހަރުގެ ޖޫންމަހުގެ 27 ވަނަދުވަހުއެވެ.
ދ. ހުޅުދެލީ ބަނދަރު ތަރައްޤީ ކުރުމުގެ މަޝްރޫޢުގެ ދަށުން، 49،612 ކިއުބިކް މީޓަރުގެ ސަރަޙައްދެއްގެ ބަނދަރު ފުންކުރުމާއި، 432 މީޓަރުގެ ސަރަޙައްދެއްގައި އެއްގަމު ތޮށި ލުމަށްވަނީ ހަމަޖެހިފައެވެ. އަދި 337 މީޓަރުގެ ސަރަޙައްދެއްގައި ބޭރު ތޮށިލުމާއި، 252 މީޓަރުގެ ސަރަޙައްދެއްގައި ރިވެޓްމަންޓް ޖެހުންވެސް މި މަޝްރޫޢުގެ ތެރޭގައި ހިމެނެއެވެ.
މި މަޝްރޫޢުގެ މަސައްކަތް ނިމިގެންދާއިރު މަގު ބައްތި ހަރުކޮށް، 1،645 އަކަ މީޓަރު ސަރަޙައްދެއްގައި ޕޭވްމަންޓް ހެދުންވެސް ވަނީ ހިމަނާފައެވެ. ދިވެހި ދައުލަތުގެ ބަޖެޓުން ހަރަދުކޮށްގެން އެމްޓީސީސީން ހިންގާ މި މަޝްރޫޢުގެ އަގަކީ 39.8 މިލިއަން ރުފިޔާއެވެ.
ރަށްރަށުގައި ކުރިޔަށްދާ ތަރައްޤީގެ މަޝްރޫޢުތަކުގެ ތެރެއިން ދ. ހުޅުދެލީގައިވެސް ސަރުކާރުން އަންނަނީ ޖުމްލަ 5 މަޝްރޫޢެއް ހިންގަމުންނެވެ. އޭގެތެރޭގައި ހުޅުދެލި ބަނދަރު ތަރައްޤީކުރުމާއި އެރަށުގައި ފެނުގެ ނިޒާމެއް ޤާއިމުކުރުމާއި ޒަމާނީ ފެންވަރުގެ ފުޓްސެލް ދަނޑެއް ޤާއިމުކުރުމުގެ މަސައްކަތް ދަނީ ކުރަމުންނެވެ. މި މަޝްރޫއަތަކަށް 6.4 ބިލިއަން ރުފިޔާ ހޭދަވާނެއެވެ.