މިފްކޯއިން މަސް ދޯނިތަކަށް ވިއްކާ ޑީސަލްގެ އަގު ހެޔޮކޮށްފިއެވެ. މި ބަދަލާއެކު މިއަދުން ފެށިގެން މިފްކޯއިން ޑީސަލް ވިއްކާނީ ހެޔޮ އަގުގައެވެ.
މިފްކޯއިން ބުނީ ޑީސަލްގެ އަގަށް ގެނައި ބަދަލާއެކު މިހާރު މަސް ދޯނިތަކަށް ޑީސަލް ލީޓަރެއް ވިއްކަނީ 9.03 ލާރިއަށް ކަމަށެވެ. އަދި އާއްމު ފަރާތްތަކަށް ޑީސަލް ލީޓަރެއް ވިއްކަނީ 11.10 ލާރިއަށެވެ.
މީގެކުރިން މިފްކޯއިން މަސް ދޯނިތަކަށް ޑީސަލް ލީޓަރެއް ވިއްކާފައިވަނީ 9.60 ލާރިއަށެވެ. އެހެންކަމުން މިއީ ލީޓަރަކުން 57 ލާރީގެ ހެޔޮވުމެކެވެ. އެހެނިހެން ފަރާތްތަކަށް ޑީސަލް ލީޓަރެއް މީގެކުރިން ވިއްކާފައިވަނީ 11.10 ލާރިއަށެވެ.
މިފްކޯއިން ބުނީ މަސް ދޯނިތަކަށް ވިއްކާ ޑީސަލްގެ އަގު ހެޔޮކޮށްފައިވަނީ ދުނިޔޭގެ ބާޒާރުގައި ތެލުގެ އަގު ދަށްވުމުގެ ސަބަބުން އެސްޓީއޯގެ ފިއުލް ސަޕްލައި މެދުވެރިކޮށް މިފްކޯއަށް ތެޔޮ ލިބޭ އަގުވެސް ދަށްވެފައިވާތީކަމަށެވެ. ދުނިޔޭގެ ބާޒާރުގައި ތެލުގެ އަގަށް އަންނަ ބަދަލާއިއެކު އެސްޓީއޯއިންވެސް އަންނަނީ ތެލުގެ އަގުތަކަށް ހެޔޮ ބަދަލުތައް ގެންނަމުންނެވެ.