އައިލޭންޑަރސް
އެޑިޔުކޭޝަން އާއި ފައުންޑޭޝަން ފޮރ އަ ބެޓަރ ފިއުޗަރގެ ފަރާތުން
އިންތިޒާމުކޮށްގެން، 'އިނޮވޭޓް އެޑިޔުކޭޝަން ސިމްޕޯސިއަމް' ގެ ނަމުގައި
މަހާސިންތާއެއް، ބާއްވައިފިއެވެ.
ބިލަބޮންގ ހައި އިންޓަނޭޝަނަލް ސްކޫލްގައި
ކުރިއަށްދިޔަ މި މަހާސިންތާއަކީ ސްކޫލްގައި އަދި ގޭގައިވެސް ދަރިވަރުން
ކިޔެވުމަށްޓަކައި ހޭދަކުރާ ވަގުތުގެ ފެންވަރު އިތުރަށް ރަނގަޅުކުރުމަށްޓަކައި،
ބެލެނިވެރިންނާއި މުދައްރިސުންނަށް ކުރެވިދާނެ މަސައްކަތްތަކާއި ބެހޭ މަޢުލޫމާތާއި
ހުނަރުތައް ދަސްކުރުމަށް ބޭއްވި މަހާސިންތާއެކެވެ.
މި މަހާސިންތާގެ
މައިގަނޑު މަޤްސަދުތަކުގެ ތެރޭގައި އައިލޭންޑަރސް އެޑިޔުކޭޝަންގެ ސްކޫލްތަކުގައި
ކިޔަވައިދިނުމުގައި ބޭނުންކުރާ ތަފާތު އާ އުކުޅުތަކާއި ހުނަރުތަކުގެ މަޢުލޫމާތު
ބެލެނިވެރިންނަށާއި، އެހެނިހެން ސްކޫލްތަކުގެ މުދައްރިސުންނާއި ބެލެނިވެރިންގެ
މެދުގައި ހިއްސާކޮށް ހޭލުންތެރިކަން އިތުރުކުރުން ހިމެނެއެވެ.
މި މަހާސިންތާގައި މައުލޫމާތުދެއްވާފައިވަނީ
އައިލޭންޑަރސް އެޑިޔުކޭޝަންގެ އިސްވެރިންނާއި، މުދައްރިސުންގެ އިތުރުން ހިލޭ
ސާބަހަށް މަސައްކަތްކުރާ ބައިނަލްއަޤްވާމީ އިސްލާމިކް އެޑިޔުކޭޝަން ގްރޫޕެއް ކަމަށްވާ
އަލް-ބުރޫޖް ފައުންޑޭޝަނުންނެވެ.