މާލޭގެ އިރުމަތީ ފަރާތު ލޮނުޒިޔާރަތްކޮޅާއި ދިމާއިން ބަހައްޓާފައިހުރި ސުނާމީ ބިނާ މާލޭގެ ހުޅަނގުފަރާތަށް ބަދަލުކުރުމަށް ނިންމައިފިއެވެ.ހައުސިންގ މިނިސްޓްރީގެ ޕަބްލިކް ވާރކް ސާރވިސަސްއިން ކުރަމުންދާ މަސައްކަތްތައް މީޑިއާއާ ހިއްސާ ކުރުމަށް ބޭއްވި ނިއުސް ކޮންފަރެންސްގައި، ޕަބްލިކް ވާރކް ސާރވިސަސްގެ ޑިރެކްޓަރ ޖެނެރަލް މުހައްމަދު އަފީފު ވިދާޅުވީ، ސުނާމި ބިނާ ބަދަލުކުރުމުގެ މަސައްކަތް ނުފެށި ލަސްވަނީ، ބަހައްޓަން ކަނޑައެޅިފައިވާ ތަނުގައި ކުރަންޖެހޭ ބައެއް މަސައްކަތްތައް ނުނިމި ހުރުމުން ކަމަށާއި، ނޮވެމްބަރު މަހުގެތެރޭގައި ސުނާމީ ބިނާ ބަދަލު ކުރުމުގެ މަސައްކަތް ފަށާނެ ކަމަށެވެ.މާލޭގެ ހުޅަނގުފަރާތުގައި ސުނާމީ ބިނާ ބެހެއްޓުމަށް ހަމަޖެހިފައިވަނީ ވިލިމާލެ ޖެޓީގެ ހުޅަނގުން ހަދާފައި އޮންނަ ތިއް ރުއް ޕާކުގައެވެ.މިހާރު މަލޭގައި ޕަބްލިކް ވާރކް ސާވިސަސްއިން ހިންގާ އެންމެ ބޮޑު މަޝްރޫއަކީ، ހުޅަނގު ފަރާތުގައި ހަދަމުންދާ އާރޓިފިޝަލް ބީޗްގެ މަޝްރޫއުގެ މަސައްކަތެވެ.