ޢަދާލަތު ޕާޓީގެ ކުރިއަށްއޮތް އިންތިޚާބުގައި އެޕާޓީގެ ރައީސްގެ މަޤާމަށް މިހާރުވެސް ރައީސްކަން ކުރައްވަމުން ގެންދަވާ، ހޯމް މިނިސްޓަރ އިމްރާން އަބްދުﷲ ކުރިމަތި ލައްވައިފިއެވެ.
ޢަދާލަތު ޕާޓީގެ ރައީސްގެ މަޤާމަށް ކުރިމަތިލެއްވިކަން ހާމަކޮށް އިމްރާން ކުރެއްވި ޓްވީޓްގައި ވިދާޅުވީ ރައީސްކަމަށް ކުރިމަތި ލެއްވީ ޤައުމުގެ ޙާލާތު ހުރިގޮތުން އަދާލަތު ޕާޓީ އިތުރަށް ހަރުދަނާކޮށް ކުރިއަށް ގެންދިއުމަށް ގިނަކަންތައްތަކެއް ފާހަގަވެފައިވާތީ އެކަންކަން ކުރުމަށްކަމަށެވެ.
" މިގޮތަށް ނިންމީ ޤައުމުގެ ހާލަތު ހުރިގޮތުން އަދާލަތު ޕާޓީ އިތުރަށް ހަރުދަނާކޮށް ކުރިއަށް ގެންދިއުމުގައި އަޅުގަނޑުގެ ދައުރު މުހިންމު ކަމަށް އަދާލަތު ޕާޓީގެ ގިނަ މެމްބަރުންނަށް ފާހަގަކުރައްވާތީ." އިމްރާން ޢަބްދުﷲ ވިދާޅުވިއެވެ.
Kuriyahoyi 5 aharuge mudhathah Adhaalath Party ge Raeesge maqaamah vaadhakurumah nimmaa emaqaamah kurimathi laafin. Mi gothah nimmee gaumuge haalathu hurigothun AP ithurah harudhanaakoh kuriah gendhiumugai alhuganduge dhauru muhimmu kamah AP ge gina memberun faahangakuravvaathee.
— Imran Abdulla (@ShimranAb) January 19, 2021
ޢަދާލަތު ޕާޓީގެ ރައީސްކަމަށް އިމްރާން ޢަބްދުﷲ ކުރިމަތިލައްވާފައިވާފައިވާއިރު، އެޕާޓީގެ ރައީސްކަމުގައި އިމްރާން ވަނީ ގިނަ ދައުރުތަކެއް ފުރުއްވާފައެވެ. އަދާލަތު ޕާޓިގެ ރިޔާސީ އިންތިޚާބު ބޭއްވުމަށް ނިންމާފައިވަނީ މިމަހުގެ 30 ގައެވެ. އަދާލަތު ޕާޓީގެ ރައީސްކަމުގެ މަޤާމަށް އަންހެނުންނަށްވެސް ވާދަކުރެވޭ ގޮތް ހަދައި އިންތިޚާބަށް ކުރިމަތިލުމަށް އެންމެ ފުރަތަމަ ހުޅުވާލާފައިވަނީ މިމަހުގެ 10 ވަނަ ދުވަހުއެވެ.
އަދާލަތު ޕާޓީން ބުނީ ޕާޓީގެ 3 ވަނަ ދައުރަށް ޕާޓީގެ ރައީސާއި ނައިބު ރައީސް އިންތިހާބުކުރުން ފަސްކޮށްފައިވަނީ ޕާޓީގެ ރައީސްގެ ކިބައިގައި ހުންނަންޖެހޭ ޝަރުތުތަކަށް އެ ޕާޓީގެ މަޝްވަރާ މަޖިލީހުން ބަދަލު ގެނެސްފައިވާތީ ކަމަށެވެ.
ޢަދާލަތު ޕާޓީގެ ރައީސްގެ މަޤާމަށް އަންހެނުންނަށް ކުރިމަތިލެވޭ ގޮތަށް އަސާސީ ޤަވާޢިދަށް މިހާރު ވަނީ ބަދަލު ގެނެސްފައެވެ. އެގޮތަށް ބަދަލު ގެންނެވީޕާޓިގެ އެންމެ އިސްސަފުގައި އަންހެނުންނަށް ޙަރަކާތްތެރިވުމުގެ ފުރުޞަތު އިތުރުކުރުމަށްކަމަށް އެޕާޓިގެ ރައީސް، ހޯމް މިނިސްޓަރ ޢިމްރާން ޢަބްދުﷲ ވިދާޅުވެފައިވެއެވެ.