އެންޒީ-1 ގެ މުޅިން އާ ބޭކަރީއަކާއި މަސް ފިހާރައެއް މާލޭގައި ހުޅުވައިފިއެވެ.
ފިހާރަ ހުޅުވުމުގެ މުނާސަބަތުގެ އެންޒީ އިން ވަނީ މިފިހާރައިގައި ވަރަށް ޚާއްސަ ސެންޑްވިޗް ޕްރޮމޯޝަން އެއްވެސް ފަށާފައެވެ.
ކުރިން އަހްމަދިއްޔާ ސްކޫލްކައިރީ ހުންނަ އެންޒީ-1 މިހާރު ވަނީ އަމީރުއަޙްމަދުމަގު (އިނަރ މޯލްޑިވްސް ބިލްޑިންގ ކައިރީ) އަށް ރިލޮކޭޓް ކޮށްފައެވެ. ފިހާރަ ހުޅުވުމުގެ ގޮތުން އެންޒީން ފަށާފައިވާ ސޭންޑްވިޗް ޕްރޮމޯޝަންގައި ހިމެނޭ ހުރިހާ ސޭންޑްވިޗްއަކުން %10 ޑިސްކައުންޓް އާއެކު ފްރީ ޑެލިވަރީވެސް ކޮށްދޭނެއެވެ. މި ޕްރޮމޯޝަން ކުރިއަށްދާނީ 31 ޖެނުއަރީ 2021ގެ ނިޔަލަށް ކުރިޔަށެވެ.
މި ޕްރޮމޯޝަންއާއި ގުޅޭގޮތުން އެންޒީގެ ސޭލްސް އެންޑް މަރކެޓިންގ މެނޭޖަރ ނަޒީމް ވިދާޅުވީ، އެ ކުންފުނީގެ އެންމެ ބޮޑު އެއް އަމާޒަކީ ވީހާވެސް އަގު ހެޔޮކޮށް ކަސްޓަމަރުންނަށް އެންޒީގެ އުފެއްދުންތައް ފޯރުކޮށްދިނުންކަމަށެވެ. މި ޕްރޮމޯޝަން މެދުވެރިކޮށް ސޭންޑްވިޗް އިތުރުން ޕިއްޒާ، ސްލައިޑަރސް އަދި ސަބްމެރިންވެސް ލިބޭނެކަމަށް އޭނާ ވިދާޅުވިއެވެ.
"އަޅުގަނޑުމެންގެ އެންމެ ބޮޑު އެއް އަމާޒަކީ ވީހާވެސް އަގު ހެޔޮކޮށް އަޅުގަނޑުމެންގެ ކަސްޓަމަރުންނަށް އެންޒީ ގެ ޕްރޮޑަކްޓްސްތައް ފޯރުކޮށްދިނުން. މިގޮތުން އެންޒީ-1 ގަ މިހިނގާ ސޭންޑްވިޗް ޕްރޮމޯޝަންގެ އަގުތައްވެސް ވަރަށް ރަނގަޅުވާނެ. ސޭންޑްވިޗް އިތުރުން ޕިއްޒާ، ސްލައިޑަރސް އަދި ސަބްމެރިންވެސް ލިބޭނެ. ފުލް ސަބްމެރިންސް އެންމެ 46ރ، އަދި އެންޒީ 1 ފިހާރައިގެ ހޮޓްލައިން ނަންބަރު 7288899 އަށް ގުޅުއްވައިގެން އޯޑަރ ކޮށްލެއްވީމަ ފްރީކޮށް ޑެލިވަރވެސް ކޮށްލަދޭނެ" ނަޒީމް ވިދާޅުވިއެވެ.
އެންޒީ-1 ހުޅުވުނު މިސަރަހައްދަކީ ގިނަ އޮފީސްތަކާއި ސްކޫލްތައް އަދި ދަތުރުފަތުރުތައް ގިނަ ސަރަހައްދެކެވެ. މިގޮތުން ވޯކް-އިން ކަސްޓަމަރުންނަށް، ޚާއްސަކޮށް ހެނދުނު ހެނދުނާ އޮފީސްތަކަށްދާ ބޭފުޅުންނަށާއި ސްކޫލްތަކަށްދާ ކުދިންނާ ބެލެނިވެރިންނަށް ފަސޭހަވާނެހެން އެންޒީ-1 މިހާރު ކޮންމެ ދުވަހަކު ހެނދުނު 6:30 ގައި ހުޅުވާފައި ހުންނާނެކަށް އެ ފިހާރައިން ބުނެއެވެ.
މިފިހާރައިން އެންޒީގެ ބޭކަރީ ޕްރޮޑަކްޓްސްގެ އިތުރުން ކޭކް އަދި ކަޕްކޭކްސްފަދަ ފޮނި ޕޭސްޓްރީސް އާއި ރިހާކުރު އަދި މަސްމިރުސް ކަހަލަ ގިނަ އަދަދެއްގެ ދިވެހި އުފެއްދުންތައް ލިބެން ހުންނާނެއެވެ. މީގެ އިތުރުން ކޮލިޓީއަށް އިތުބާރު ކުރެވޭ އެންސިސް ކާރުހާނާގައި ޕްރޮސެސްކުރެވޭ ތާޒާ ރޯމަސް ވެސް ލިބޭނެކަމަށް އެންޒީން ބުނެއެވެ.
އެންޒީއިން ވަނީ މިއަހަރު މެދުތެރޭ އެންސިސްގެ ހުޅުމާލޭގައި ހުންނަ ފިޝްމީލް ޕްލާންޓްގައި އުކާލެވޭ މަހުގެ ބާވަތްތައް ބޭނުންކޮށްގެން އުފައްދާ ތިމާވެއްޓާ ރައްޓެހި "އެންސިސްގްރީން" ގަސްކާނާވެސް ވިއްކަން ފަށާފައެވެ. އެންޒީ 1 ގެ އިތުރުން ސްޓެލްކޯ ކައިރީގައި ހުންނަ އެންޒީ 5 މާލެ، އަދި ގާޒީ ސްކޫލް ކައިރީ ހުންނަ އެންޒީ 2 ހުޅުމާލެ، އަދި އެންޒީގެ އޮންލައިން ފިހާރަ(www.enzi.mv) އިން މިހުރިހާ ޕްރޮޑަކްޓްސް އެސް ލިބެން ހުންނާނެއެވެ.