އެމްއެންޑީއެފުން ކުރިއަށްގެންދާ އަސްކަރީ ތަމްރީންތަކެއް މިއަދު ކުރިއަށްދާނެކަމަށް އެމްއެންޑީއެފުން ވިދާޅުވެއްޖެއެވެ.
މި ތަމްރީން ޕްރޮގްރާމް ފެށުމަށް ހަމަޖެހިފައިވަނީ މިއަދު އިރުއޮއްސި 18:30ގައި، ގިރިފުށީގައެވެ. މި ތަމްރީންތަކުގައި ހަތިޔާރާއި، ޕައިރޯ ޓެކްނިކްސްތައް ބޭނުންކުރާނެކަމަށް އެމްއެންޑީއެފުން މަޢުލޫމާތުދެއްވައެވެ.
މި ތަމްރީންގައި 4100 މީޓަރުގެ ވައިގެ ސަރަޙައްދު ބޭނުންކުރުމަށް ވަނީ ހަމަޖެހިފައެވެ. އަދި ކަނޑުގެ ސަތަހައިން ފެށިގެން 100 މީޓަރު އުހަށް ވައިގެ ސަރަޙައްދު ބޭނުންކުރާނެއެވެ. ތަމްރީނުގައި ބޭނުންކުރާ ސަރަޙައްދަކީ ގިރިފުށީ ރޭންޖުން ހުޅަނގު ދެކުނަށެވެ.
މި ތަމްރީން މިރޭ 10:30 އަށް ކުރިއަށްދާނެކަމަށް އެމްއެންޑީއެފުން މަޢުލޫމާތުދެއްވައެވެ.
ކަނޑުގެ ސަތަޙަ ބޭނުންކޮށްގެން ކުރިއަށްގެންދާ ތަމްރީނުގައި ކަނޑު ދަތުރުކުރާ ފަރާތްތަކުން އެކަމަށް ސަމާލުވުމަށް ޓްރާންސްޕޯޓް އޮތޯރިޓީން ވަނީ އަންގާފައެވެ.