ރާއްޖެއިން މިއަހަރު
ހައްޖަށްދިޔަ ހުރިހާ ޙައްޖާޖީން ޙައްޖުގެ މަތިވެރި އަޅުކަން ފުރިހަމަކުރުމަށްފަހު
ރާއްޖެއަތުވެއްޖެއެވެ. ޙައްޖަށް ދިޔަ މީހުންގެ ތެރެއިން އެންމެ ފަހު ގްރޫޕް
ރާއްޖެއައީ މިއަދުގެ ހެނދުނުގެ ވަގުތެއްގައެވެ. އެއީ ސިސިލްފަރު ހައްޖު އެންޑް
އުމްރާ ގްރޫޕްގެ ހަވާލުގައި ހައްޖަށް ދިޔަ މީހުންނެވެ.
ރާއްޖެއިން މިއަހަރު
ހައްޖަށް ދިޔަ މީހުން އަންނަން ފަށާފައިވަނީ ސެޕްޓެމްބަރު މަހުގެ އަށާވީސް ވަނަ
ދުވަހުން ފެށިގެންނެވެ. އެންމެ ފުރަތަމަ ރާއްޖެއައިސްފައިވަނީ ހައްޖު ކޯޕަރޭޝަންގެ
ހަވާލުގައި ހައްޖަށް ދިޔަ މީހުންނެވެ. ރާއްޖެއިން މިއަހަރު ދެހާސް މީހުން ހައްޖުގެ
މަތިވެރި އަޅުކަން އަދާކޮށްފައިވެއެވެ. އެއީ ހައްޖު ކޯޕަރޭޝަންގެ ހަވާލުގައި ދިޔަ
ތޭރަ ސަތޭކަ މީހުންނާއި، މިނާ ގްރޫޕާއި، ޒައީ ގްރޫޕް އަދި ސިސިލްފަރު ހައްޖު
ގްރޫޕްގެ ފަރާތުން ހައްޖަދިޔަ ހަތް ސަތޭކަ މީހުންނެވެ.
ހައްޖުގެ އަޅުކަމަށްފަހު
ރާއްޖެއަންނަ ފަރާތްތަކަށް ޚާއްސަކޮށް ސެޕްޓެމްބަރު މަހުގެ ނަވާވީހުން ފެށިގެން
މިމަހުގެ ވިހި ވަނަ ދުވަހާއި ހަމައަށް ފްލޫ ކުލިނިކްތަކެއް ރާއްޖޭގެ ހުރިހާ
ހޮސްޕިޓަލްތަކެއްވަނީ ގާއިމްކޮށްފައެވެ.