މާލޭގެ 4 ސަރަޙައްދެއް މާދަމާގެ ވަކި ވަގުތުތަކެއްގައި ބަންދުކުރާނެކަމަށް ފުލުހުން ވިދާޅުވެއްޖެއެވެ.
އެ ސަރަޙައްދުތައް ބަންދުކުރުމަށް ނިންމާފައި ވަނީ އެމެރިކާގެ ސެކްރެޓަރީ އޮފް ސްޓޭޓް މައިކް ރިޗަރޑް ޕޮމްޕެއޯ ރާއްޖެއަށް ކުރައްވާ ދަތުރުފުުޅުގެ ސަލާމަތީ ކަންކަން ބެލެހެއްޓުމަށްކަމަށް ފުލުހުން ވަނީ ވިދާޅުވެފައެވެ.
ބަންދުކުރުމަށް ހަމަޖެހިފައިވާ ސަރަޙައްދުތަކަކީ ވެލާނާ އިންޓަރނޭޝަނަލް އެއަރޕޯޓަށް ދަތުރުކުރާ މަގާއި، ސިނަމާލެ ބްރިޖްއާއި، ގްރީން ޒޯނާއި އަދި ބޮޑުތަކުރުފާނު މަގުގެ ބައެއް ސަރަހައްދުތަކެވެ.
މި ސަރަޙައްދުތައް ބަންދުކުރާނީ މާދަމާގެ މެންދުރު 12:30އިން ފެށިގެން އެކި ވަގުތުތަކުގައެވެ.
މިސަރަހައްދުތައް ބަންދުކުރާ ވަގުތުގައި ދުއްވާ އުޅަނދުތަކާއި ހިނގާ މީހުންނަށްވެސް އެ ސަރަޙައްދުތަކަށް ނުވަދެވޭނެއެވެ. މި ވަގުތުގައި މާލެ ހުޅުމާލެ އަދި ހުޅުލެއަށް ދަތުރުކުރާ ބަހުގެ ދަތުރުތައްވެސް މެދުކަނޑާލާނެކަމުގައި އެމްޓީސީސީންވެސް ވަނީ ވިދާޅުވެފައެވެ.
ފުލުހުން ވިދާޅުވީ މަގުތައް އަލުން އާއްމުކޮށް ހުޅުވާލާނީ ރަސްމިއްޔާތުގެ ކަންކަން ނިމުމުން ކަމަށެވެ.